వెంకటేష్‌ హీరోగా శైలేష్‌ కొలను దర్శకత్వంలో రూపొందుతున్న పాన్‌ ఇండియా మూవీ ‘సైంధవ్‌’. నిహారిక ఎంటర్‌టైన్‌మెంట్‌ బ్యానర్‌పై వెంకట్‌ బోయనపల్లి నిర్మిస్తున్న ఈ చిత్రం షూటింగ్‌ పార్ట్‌ పూర్తి చేసుకుని పోస్ట్‌ ప్రొడక్షన్‌ పనులను శరవేగంగా జరుపు కుంటోంది. జనవరి 13న సంక్రాంతికి ఈ సినిమా ప్రేక్షకుల ముందుకు రానుంది. ఈ నేపథ్యంలో ఈ చిత్ర టీజర్‌ను ఈనెల 16న విడుదల చేయనున్నట్లు మేకర్స్‌ అనౌన్స్‌ చేశారు. నవాజుద్దీన్‌ సిద్ధిఖీ, ఆర్య, శ్రద్ధా శ్రీనాథ్‌, రుహాని శర్మ, ఆండ్రియా జెరెమియా, బేబీ సారా, జయప్రకాష్‌ వంటి తారాగణం నటిస్తోంది. చిత్ర గ్లింప్స్‌ అన్ని ప్రధాన పాత్రలను పరిచయం చేస్తే, ‘సైంధవ్‌’ వరల్డ్‌ గురించి టీజర్‌ ఇన్‌సైట్‌ ఇవ్వనుంది.
