విశ్వక్‌సేన్‌ ‘లైలా’లో అందరినీ ఆశ్చర్యపరచడానికి రెడీ అవుతున్నారు. అబ్బాయి, అమ్మాయిగా రెండింటినీ పోషించి వెర్సటాలిటీ చూపించబోతున్నారు. రామ్‌ నారాయణ్‌ దర్శకత్వంలో షైన్‌ స్క్రీన్స్‌ పతాకంపై సాహు గారపాటి నిర్మిస్తున్న ఈ చిత్రం రొమాంటిక్‌ యాక్షన్‌ ఎంటర్‌టైనర్‌గా రూపొందుతోంది. మేకర్స్‌ గతంలో ‘లైలా’ ఐ లుక్‌ని రిలీజ్‌ చేయగా విశ్వక్‌సేన్‌ క్యారెక్టర్‌ అందరినీ మెస్మరైజ్‌ చేసింది. తాజాగా మేకర్స్‌ సినిమా రిలీజ్‌ డేట్‌ని అనౌన్స్‌ చేశారు. ఫిబ్రవరి 14న ప్రేమికుల రోజున ప్రపంచ వ్యాప్తంగా ఈ సినిమా ప్రేక్షకుల ముందుకు రానుంది. రొమాంటిక్‌ జోనర్‌లో వస్తున్న సినిమాకి లవ్‌ సీజన్‌ రిలీజ్‌కి పర్ఫెక్ట్‌ టైంగా మేకర్స్‌ భావిస్తున్నారు. రిలీజ్‌ డేట్‌ పోస్టర్‌లో విశ్వక్‌సేన్‌ స్టైలిష్‌ అవతార్‌, స్పోర్టింగ్‌ ట్రెండీ ఎటైర్‌, సన్‌ గ్లాసెస్‌తో కనిపించారు. న్యూ ఇయర్‌ రోజున లైలా ఫస్ట్‌ రోజ్‌ (ఫస్ట్‌ లుక్‌)ని రిలీజ్‌ చేస్తామని మేకర్స్‌ అనౌన్స్‌ చేశారు. ఈ చిత్రంలో అమ్మాయి పాత్రను పోషించడానికి విశ్వక్‌షేన్‌ బ్యూటీఫుల్‌గా మేక్‌ఓవర్‌ అయ్యారు. ఆకాంక్ష శర్మ కథానాయికగా అరంగేట్రం చేస్తోంది. ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది.
