హీరో విజయ్‌ ఆంటోనీ నటిస్తున్న నూతన చిత్రం ‘తుఫాన్‌’. ఈ సినిమాను ఇన్ఫినిటీ ఫిల్మ్‌ వెంచర్స్‌ బ్యానర్‌ పై కమల్‌ బోరా, డి.లలితా, బి.ప్రదీప్‌, పంకజ్‌ బోరా నిర్మిస్తున్నారు. ఈ సంస్థ గతంలో విజయ్‌ ఆంటోనీ హీరోగా రాఘవన్‌, హత్య సినిమాలను నిర్మించింది. పొయెటిక్‌ యాక్షన్‌ ఎంటర్‌టైనర్‌ జోనర్‌లో ఈ సినిమాను దర్శకుడు విజయ్‌ మిల్టన్‌ రూపొందిస్తున్నారు. ఈ సినిమాను ఆగస్టు 2న వరల్డ్‌ వైడ్‌గా గ్రాండ్‌ థియేట్రికల్‌ రిలీజ్‌కు తీసుకొస్తున్నారు. తాజాగా ఈ సినిమా నుండి ‘ఇతడెవరు’ లిరికల్‌ సాంగ్‌ రిలీజ్‌ చేశారు. ఈ సాంగ్‌ను విజయ్‌ ఆంటోనీ బ్యూటిఫుల్‌గా కంపోజ్‌ చేయగా, భాష్యశ్రీ గుర్తుండిపోయే సాహిత్యాన్ని అందించారు. సంతోష్‌ హరిహరన్‌ ఆకట్టు కునేలా పాడారు. ‘ఇతడెవరు ఇతడెవరు తెలియని ఓ చరితో, లోతైన ఓ కడలో ..తను గాథో ఎద బాధో..తను ఉరుమో లేక పిడుగో..’ అంటూ కథానాయకుడి ఫ్లాష్‌ బ్యాక్‌ నేపథ్యంలో పవర్‌ఫుల్‌గా సాగుతుందీ పాట. ఈ లిరికల్‌ సాంగ్‌ ను థియేటర్స్‌ లో ప్రేక్షకులు ఎంజారు చేయబోతున్నారు. శరత్‌ కుమార్‌, సత్యరాజ్‌, డాలీ ధనుంజయ, మేఘా ఆకాష్‌, మురళీ శర్మ, పృథ్వీ అంబర్‌, శరణ్య పొన్వన్నన్‌, తలైవాసల్‌ విజరు ముఖ్యతారాగణం.
