ధర్మ, ఐశ్వర్య శర్మ హీరో, హీరోయిన్లుగా నటిస్తున్న సినిమా ”డ్రింకర్‌ సాయి”. బ్రాండ్‌ ఆఫ్‌ బ్యాడ్‌ బార్సు అనేది ఈ చిత్ర ట్యాగ్‌ లైన్‌. ఈ చిత్రాన్ని ఎవరెస్ట్‌ సినిమాస్‌, స్మార్ట్‌ స్క్రీన్‌ ఎంటర్‌ టైన్‌ మెంట్స్‌ బ్యానర్స్‌ పై బసవరాజు శ్రీనివాస్‌, ఇస్మాయిల్‌ షేక్‌, బసవరాజు లహరిధర్‌ నిర్మిస్తున్నారు. కొన్ని వాస్తవ ఘటనల ఆధారంగా దర్శకుడు కిరణ్‌ తిరుమలశెట్టి ఈ చిత్రాన్ని రూపొందిస్తున్నారు. ఈ సినిమా ఫస్ట్‌ లుక్‌, టైటిల్‌ ను డైరెక్టర్‌ మారుతి లాంచ్‌ చేశారు. ”డ్రింకర్‌ సాయి” ఫస్ట్‌ లుక్‌, టైటిల్‌ ఇంట్రెస్టింగ్‌ గా ఉన్నాయని ప్రశంసించిన మారుతి మూవీ టీమ్‌ కు తన బెస్ట్‌ విషెస్‌ అందించారు. త్వరలోనే ఈ సినిమా ప్రేక్షకుల ముందుకు వచ్చేందుకు సిద్ధమవుతోంది.
ధర్మ, ఐశ్వర్య శర్మ, పోసాని కష్ణమురళి, శ్రీకాంత్‌ అయ్యంగార్‌, సమీర్‌, ఎస్‌ఎస్‌ కాంచి, భద్రం, కిర్రాక్‌ సీత, రీతు చౌదరి, ఫన్‌ బకెట్‌ రాజేశ్‌, రాజ ప్రజ్వల్‌ తదితరులు నటిస్తున్నరు.
