జేడీ చక్రవర్తి, శుభ రక్ష, నిత్య హీరో, హీరోయిన్స్‌గా తెరకెక్కిన చిత్రం ‘హూ’. ఇటీవలే ఈ చిత్రం డబ్బింగ్‌, ఎడిటింగ్‌ వంటి తదితర పోస్ట్‌ ప్రొడక్షన్‌ కార్యక్రమాలు పూర్తి చేసుకుంది. ఈ నేపథ్యంలో సినీ ప్రముఖుల సమక్షంలో వైభవంగా ఈ చిత్ర ట్రైలర్‌ విడుదల కార్యక్రమం జరిగింది. చిత్ర ట్రైలర్‌ను నిర్మాత, ప్రొడ్యూసర్‌ కౌన్సిల్‌ ట్రెజరర్‌ ప్రసన్న కుమార్‌, ఆర్టిస్ట్‌ నాగ మహేష్‌లు సంయుక్తంగా ఆవిష్కరించగా, పోస్టర్‌ను నిర్మాతలు ఆచంట గోపీనాథ్‌, శోభారాణి, ఛాంబర్‌ వైస్‌ ప్రెసిడెంట్‌ కొల్లి రామకష్ణ రిలీజ్‌ చేశారు.
ఇంకా ఈ వేడుకలో చిత్ర సంగీత దర్శకుడు ఈశ్వర్‌, బలగం ఫేం సంజరు, నిర్మాత విజరు, డిస్ట్రిబ్యూటర్స్‌ మురళి కష్ణ, రాందేవ్‌, శంకర్‌ తదితరులు పాల్గొన్నారు. ఈ సందర్భంగా చిత్ర నిర్మాత రెడ్డమ్మ కే బాలాజీ మాట్లాడుతూ,’జెడి చక్రవర్తి స్వీయ దర్శకత్వంలో తెలుగు, కన్నడ భాషల్లో రూపుదిద్దుకున్న ఎమోషనల్‌ థ్రిల్లర్‌ ఇది. ఇందులో జెడి నటన చాలా వైవిధ్యంగా ఉంటుంది. ఆయన రీసెంట్‌గా చేసిన ‘దయ’ వెబ్‌ సిరీస్‌ ఓ సంచలనం. ఆ సిరీస్‌ లాగానే మా సినిమా కూడా హిట్‌ అవ్వాలని కోరుకుంటున్నాను. ఈ చిత్రాన్ని త్వరలో విడుదల చేయటానికి సన్నాహాలు చేస్తున్నాం’ అని అన్నారు.వినరు ప్రసాద్‌, విజరు చందర్‌, సునీల్‌ పూర్ణిక్‌, రమేష్‌ పండిట్‌, హర్షిత, ఉగ్రం రవి, శరణ్య, సనత్‌, నాగేంద్ర తదితరులు నటించిన ఈ చిత్రానికి సంగీతం: ఈశ్వర్‌ చంద్‌, ఎడిటింగ్‌: జేడీ చక్రవర్తి, కెమెరా: అల్లికట్టి, విజువల్‌ ఎఫెక్ట్స్‌: చందు, ప్రొడ్యూసర్‌: రెడ్డమ్మ కే బాలాజీ, దర్శకత్వం: జేడీ చక్రవర్తి.
