– డాక్టర్ ఏ . పున్నయ్య విభాగాధిపతి అర్థశాస్త్ర విభాగం ,తెలంగాణ విశ్వవిద్యాలయం..నవతెలంగాణ-డిచ్ పల్లి : 2024-25 ఆర్థిక సంవత్సరానికి నిర్మల సీతారామన్ ప్రవేశపెట్టిన బడ్జెట్ ను సామాన్య ప్రజలు మొదలుకొని వేతనజీవులు మధ్యతరగతి ప్రజలు ఆసక్తిగా ఎదురుచూసినారు. సామాన్యుల కు, వేతనజీవులకు ,మధ్యతరగతి కి ప్రయోజనంలేదు. కార్పొరేట్ల కే ఈ బడ్జెట్లో పెద్దపీటవేసినారు. అనేక ఆశలు, భారీ అంచనాల మధ్య వికసిత్‌ భారత్ లక్ష్యంగా రూ.48.21 లక్షల కోట్లు గా ప్రవేశపెట్టిన ఈ బడ్జెట్లో మొత్తం ఆదాయం కేవలం రూ.32.07 లక్షల కోట్లు మాత్రమే ఇందులో పన్ను ఆదాయం రూ.28.83 లక్షల కోట్లు కాగా అప్పులు, పన్నేతర ఆదాయాలు రూ.16 లక్షల కోట్లుగా అంచనావేసినారు. ఈ బడ్జెట్ లో 34 శాతం అప్పుల తో వికసిత భారత్ కలనెరవేరుతుందా అని తెలంగాణ యూనివర్సిటీ అర్థశాస్త్ర విభాగాధిపతి డాక్టర్ ఎం పున్నయ్య వివరించారు.
