ఓ వెల్లుల్లి రెబ్బతో….

With a clove of garlic...ఉదయాన్నే పరకడుపున ఓ వెల్లుల్లి రెబ్బ తింటే శరీరంలో కనిపించే అద్భుత మార్పులను తెలుసుకున్నారంటే.. క్రమం తప్పకుండా.. ఈ టిప్‌ ఫాలో అయిపోతారు. పచ్చి వెల్లుల్లి రెబ్బ తింటే ఆరోగ్యానికి మంచిదని ఇప్పుడు కనిపెట్టినది కాదు. ఇది ఎప్పటి నుంచో అలవాటు కొనసాగుతోంది. తీవ్రమైన జలుబు, ఇతర సమస్యలతో బాధపడేటప్పుడు మన అమ్మమ్మలు కూడా సలహా ఇచ్చే ఉంటారు వెల్లుల్లి తింటే త్వరగా నయమవుతుందని. వెల్లుల్లిలో ఉండే యాంటీ బయోటిక్‌ గుణాలు అనేక అనారోగ్య సమస్యలను తేలిగ్గా నయం చేస్తాయి. అజీర్ణం, హైబ్లడ్‌ ప్రెజర్‌, సాధారణ జలుబుని చిటికెలో నివారిస్తుంది. అలాగే రోగనిరోధక శక్తిని వేగంగా పెంచుతుంది. ఇందులో చాలా కీలకమైన ఔషధగుణాలను కలిగిన అల్లిసిన్‌ ఉంటుంది. చాలామంది వెల్లుల్లిని ప్రతి వంటకానికి రుచి కోసం ఉపయోగిస్తారు. కానీ.. కొంతమందికి వెల్లుల్లి పడదు. వాళ్లకు చాలా సైడ్‌ ఎఫెక్ట్స్‌ వచ్చే అవకాశం వుంది. కాబట్టి మితంగా తీసుకోవాలి. మరి వెల్లుల్లిని ఉదయాన్నే తినడం వల్ల పొందే ఉపయోగాలు ఏంటో చూద్దాం..
రోగనిరోధక శక్తి పెరగడానికి : వెల్లుల్లిలో ఉండే అల్లిసిన్‌ రోగనిరోధక శక్తి మెరుగుపరచడానికి సహాయపడుతుంది. ప్రతిరోజూ ఉదయాన్నే పరకడుపున ఓ వెల్లుల్లి రెబ్బ తింటే చాలా త్వరగా, తేలికగా వ్యాధినిరోధక శక్తి పెరగడానికి సహాయపడుతుంది.
హై బ్లడ్‌ ప్రెజర్‌ : హైబ్లడ్‌ ప్రెజర్‌తో బాధపడేవాళ్లకు వెల్లుల్లి ఎంతగానో సహాయపడుతుంది. ఉదయాన్నే పరకడుపున ఒకటి లేదా రెండు వెల్లుల్లి రెబ్బలను తీసుకోవడం వల్ల హైపర్‌ టెన్షన్ని తగ్గించుకోవచ్చు.
జలుబు నివారణకు: వెల్లుల్లితో రోగనిరోధక శక్తి పెరుగుతుంది. దాంతో శరీరంలో ఎలాంటి ఇన్ఫెక్షన్‌ రాకుండా అడ్డుకుంటుంది. తద్వారా దగ్గు, జలుబు వంటి ఇన్ఫెక్షన్లు దూరంగా ఉంటాయి.
గుండె వ్యాధులకు: చెడు కొవ్వు వల్ల కలిగే సమస్యలను నియంత్రించడంలో వెల్లుల్లి అమోఘంగా పని చేస్తుంది. అలాగే మంచి కొలెస్ట్రాల్‌ లెవెల్స్‌ని పెంచుతుంది. దీనివల్ల గుండె సంబంధిత వ్యాధుల నుండి బయటపడొచ్చు.
క్యాన్సర్‌ అరికట్టడానికి: పచ్చి వెల్లుల్లి రెబ్బని ఉదయాన్నే పరకడుపున తీసుకుంటే పొట్ట, యూటెరైన్‌, ప్రొస్టేట్‌ వంటి క్యాన్సర్లను దూరంగా ఉంచుతుంది. వెల్లుల్లిలో ఉండే అల్లిసిన్‌ క్యాన్సర్‌ సెల్స్‌ని నాశనం చేస్తుంది.
శరీరాన్ని డెటాక్స్‌ చేస్తుంది: వెల్లుల్లిలో ఉండే యాంటీ ఆక్సిడెంట్స్‌ శరీరంలో హానికారక మలినాలను తొలగిస్తుంది. కాబట్టి ఉదయాన్నే పరకడుపున వెల్లుల్లి రెబ్బ తింటే శరీరం డెటాక్సిఫై అవుతుంది.
డిమెంటియా: వెల్లుల్లిలో ఉండే యాంటీ ఆక్సిడెంట్‌ కణాలను దెబ్బతినకుండా చేస్తుంది. దీంతో వయసు పెరిగే కొద్దీ వచ్చే డిమెంటియా సమస్యను అడ్డుకోవచ్చు. అందుకే ఉదయాన్నే వెల్లుల్లిని క్రమం తప్పకుండా తినండి.
ఎముకల ఆరోగ్యం: వెల్లులి శరీరంలో ఈస్ట్రోజెన్‌ లెవెల్స్‌ని పెంచుతుంది. దీనివల్ల ఎముకలు ఆరోగ్యంగా ఉంటాయి.