రామ్‌, బోయపాటి శ్రీను కాంబోలో తెరకెక్కుతున్న యాక్షన్‌ ఎంటర్‌టైనర్‌ ‘స్కంద’-ది ఎటాకర్‌. శ్రీనివాసా సిల్వర్‌ స్క్రీన్‌ నిర్మిస్తున్న ఈ చిత్రం థియేట్రికల్‌ రిలీజ్‌ కోసం బెస్ట్‌ డేట్‌ని మేకర్స్‌ లాక్‌ చేశారు. డెడ్లీ కాంబినేషన్‌లో రూపొందిన ఈ క్రేజీయస్ట్‌ ప్రాజెక్ట్‌ ఈనెల 28న విడుదల కానుంది.’ఈనెల 28న అంటే గురువారం ఈ సినిమా రిలీజ్‌ కానుంది దీంతో లాంగ్‌ వీకెండ్‌ ఈ చిత్రానికి అడ్వాంటేజ్‌ అవుతుంది. అలాగే ఆ తర్వాత సోమవారం (గాంధీ జయంతి) సెలవు. దసరా సెలవులు కూడా కలిసి రాబోతున్నాయి. ఈ రకంగా ఈ హై-బడ్జెట్‌ ఎంటర్‌టైనర్‌కి ఇది పర్ఫెక్ట్‌ డేట్‌. రిలీజ్‌ డేట్‌ పోస్టర్‌లో రామ్‌, శ్రీలీల అందమైన చిరునవ్వులు చింది స్తున్నారు. పంచెకట్టులో రామ్‌ చాలా కూల్‌గా కనిపిస్తుండగా, శ్రీలీల గాగ్రా చోళీలో చాలా అందంగా కనిపిస్తోంది. ఈ సినిమా పాటలు, టీజర్‌, ట్రైలర్‌లకు ట్రెమండస్‌ రెస్పాన్స్‌ వస్తోంది. ట్రైలర్‌ విడుదలయ్యాక క్రేజ్‌ మరింత పెరిగింది.
ఈ సినిమా రామ్‌కి మోస్ట్‌ ఎక్స్‌పెన్సీవ్‌ సినిమా. ఈ చిత్ర ప్రీ-రిలీజ్‌ బిజినెస్‌లో కూడా రికార్డ్‌ సష్టించింది. తెలుగు, తమిళం, కన్నడ, మలయాళం, హిందీ భాషల్లో పాన్‌
ఇండియా స్థాయిలో విడుదల కానుంది.
