అప్పుల బాధతో మహిళ ఆత్మహత్య

అప్పుల బాధతో మహిళ ఆత్మహత్య చేసుకున్న ఘటన సోమవారం రాత్రి చోటు చేసుకుంది.  పోలీసులు తెలిపిన వివరాల ప్రకారం… మండలంలోని కన్నాపూర్ తండాకు చెందిన  నాన్గోత్ గంగి (49), చిన్న కుమారుడు విదేశాలకు బతుకుదెరువు కోసం అప్పుచేసి 4 సార్లు వెళ్లి, తిరిగి రావడంతో, అప్పులు పెరిగి దాదాపు రూ 5 లక్షలకు చేరడంతో మనస్థాపం చెంది సోమవారం సాయంత్రం క్రిమిసంహారక మందు సేవించి అపస్మారక స్థితిలో ఉండటంతో, కుటుంబ సభ్యులు, చుట్టుపక్కల వారు గమనించి కామారెడ్డి ప్రభుత్వ ఆసుపత్రికి తరలించగా, చికిత్స పొందుతూ మంగళవారం ఉదయం 2 గంటలకు మృతిచెందినట్లు భర్త బావ్ సింగ్ ఇచ్చిన ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఏఎస్ఐ రవీందర్ తెలిపారు.