హీరో కిరణ్‌ అబ్బవరం నటిస్తున్న భారీ పీరియాడిక్‌ థ్రిల్లర్‌ సినిమా ‘క’. ఈ సినిమా నుంచి ఫస్ట్‌ సింగిల్‌ ‘వరల్డ్‌ ఆఫ్‌ వాసుదేవ్‌..’ ను మేకర్స్‌ సోమవారం రిలీజ్‌ చేశారు.
ఈ పాట వాసుదేవ్‌గా నటిస్తున్న హీరో క్యారెక్టరైజేషన్‌ను ఆవిష్కరించింది. ఈ పాటకు సనాపతి భరద్వాజ పాత్రుడు లిరిక్స్‌ రాయగా, సామ్‌ సీఎస్‌ బ్యూటిఫుల్‌గా కంపోజ్‌ చేశారు. కపిల్‌ కపిలన్‌ ఆకట్టుకునేలా పాడారు. ‘ఏ మొదలు తుదలు లేని ప్రయాణం. ఏ అలుపూ సొలుపు లేని విహారం. ఏ చెరలు తెరలు తెలియని పాదం..ఈ మజిలీ ఒడిలో ఒదిగిన వైనం, నిన్న మొన్న ఉన్న నన్ను చూశారా..వెన్ను దన్ను అంటూ ఏముంది. ఒంటరివాడినని అంటారా నాతో పాటు ఊరుంది…’ అంటూ హీరో వాసుదేవ్‌ పాత్రను ప్రతిబింబిస్తూ ‘వరల్డ్‌ ఆఫ్‌ వాసుదేవ్‌..’ పాట సాగటం విశేషం. ఈ సినిమాలో నయన్‌ సారిక, తన్వీ రామ్‌ హీరోయిన్స్‌గా నటిస్తున్నారు. చింతా వరలక్ష్మి సమర్పణలో శ్రీచక్రాస్‌ ఎంటర్‌టైన్‌మెంట్స్‌ బ్యానర్‌ పై చింతా గోపాలకష్ణ రెడ్డి నిర్మిస్తున్నారు. దర్శక ద్వయం సుజీత్‌, సందీప్‌ విలేజ్‌ బ్యాక్‌డ్రాప్‌ యాక్షన్‌ థ్రిల్లర్‌ కథతో ఈ సినిమాను రూపొందిస్తున్నారు. ఈ సినిమా తెలుగుతో పాటు తమిళ, మలయాళ, కన్నడలో రిలీజ్‌ కానుంది.
