హీరో సత్య దేవ్‌, కన్నడ నటుడు డాలీ ధనంజయ నటిస్తున్న మల్టీ-స్టారర్‌ చిత్రం ‘జీబ్రా’. ఈశ్వర్‌ కార్తీక్‌ దర్శకత్వం వహిస్తున్న ఈ చిత్రాన్ని పద్మజ ఫిలింస్‌ ప్రైవేట్‌ లిమిటెడ్‌, ఓల్డ్‌ టౌన్‌ పిక్చర్స్‌ బ్యానర్లపై ఎస్‌ఎన్‌ రెడ్డి, ఎస్‌. పద్మజ, బాల సుందరం, దినేష్‌ సుందరం నిర్మిస్తున్నారు. ఇటీవలే రిలీజ్‌ చేసిన మోషన్‌ పోస్టర్‌కి మంచి రెస్పాన్స్‌ వచ్చింది. తాజాగా మేకర్స్‌ జీబ్రా గ్లింప్స్‌ రిలీజ్‌ డేట్‌ని అనౌన్స్‌ చేశారు. ఈనెల 30న జీబ్రా గ్లింప్స్‌ రిలీజ్‌ కానుంది. సత్య దేవ్‌, డాలీ ధనంజయను డైనమిక్‌గా ప్రజెంట్‌ చేసిన అనౌన్స్మెంట్‌ పోస్టర్‌ అదిరిపోయింది. ప్రియాభవానీ శంకర్‌, జెన్నిఫర్‌ పిసినాటో హీరోయిన్స్‌గా నటిస్తున్న ఈ చిత్రంలో సత్యరాజ్‌ కీలక పాత్ర పోషిస్తున్నారు. ‘లక్‌ ఫేవర్స్‌ ది బ్రేవ్‌’ అనే ట్యాగ్‌లైన్‌తో తెరకెక్కుతున్న ఈ చిత్రం దీపావళి కానుకగా అక్టోబర్‌ 31న గ్రాండ్‌గా విడుదల కానుంది. ఈ చిత్రానికి రచన, దర్శకత్వం: ఈశ్వర్‌ కార్తీక్‌, ఎడిషనల్‌ స్క్రీన్‌ ప్లే: యువ, సహ నిర్మాత: ఎస్‌ శ్రీలక్ష్మి రెడ్డి, డీవోపీ: సత్య పొన్మార్‌, సంగీతం: రవి బస్రూర్‌.
