నవతెలంగాణ-భిక్కనూర్
వాహనదారులు వాహనం నడుపుతున్న సమయంలో వాహన పత్రాలు తప్పనిసరిగా ఉండాలని సబ్ ఇన్‌స్పెక్టర్ గాంధీ గౌడ్ వాహనదారులకు సూచించారు. గురువారం మండలంలోని 44వ జాతీయ రహదారిపై టోల్ ప్లాజా వద్ద వాహనాల తనకి నిర్వహించారు. ఈ సందర్భంగా జరిమానాలు పెండింగ్ లో ఉన్న 25 వాహనాలకు 20వేల రూపాయలు వసూలు చేయడంతో పాటు సీటు బెల్ట్, వాహన పత్రాలు, హెల్మెట్ ధరించని 18 వాహనాలకు 4,500 రూపాయలు జరిమానా విధించడం జరిగిందని తెలిపారు. ఈ వాహనాల తనిఖీలలో హెడ్ కానిస్టేబుల్ నరేందర్ రెడ్డి, కానిస్టేబుల్ సిబ్బంది శ్రీరామ్, సేవియా నాయక్, తదితరులు పాల్గొన్నారు.
