నవతెలంగాణ-కంటేశ్వర్
నిజామాబాద్ జిల్లా ప్రముఖ కవి,రచయిత, బాలసాహితీవేత్త డా.కాసర్ల నరేశ్ రావు రచించిన బాలల నాటికలసంపుటి జై విజ్ఞాన్ ఆదివారం నాడు హైద్రాబాద్ లో తెలంగాణ సారస్వతపరిషత్తులో ఆవిష్కరణ జరిగింది. తెలంగాణ బాలసాహిత్య సమ్మేళనం సభాకార్యక్రమం, వైభవంగా జరిగింది. ఈ కార్యక్రమానికి ముఖ్యాతిథిగా వచ్చిన, శాంతా బయోటిక్స్ అధినేత, పద్మభూషణ్ డా.కె.ఐ.వరప్రసాద్ ఈ పుస్తకాన్ని ఆవిష్కరించారు. ఈ సందర్భంగా వరప్రసాద్ రెడ్డి మాట్లాడుతూ బాలల కోసం, పెద్దలు రాయడం గొప్పకృషి అని,పిల్లలకు ప్రదర్శనయోగ్యమైన నాటికలు రాసిన డా.కాసర్లను అభినందించారు.
ఈ సభకు తెలంగాణ సారస్వతపరిషత్ అధ్యక్షులు ఎల్లూరి శివారెడ్డి అధ్యక్షత వహించారు. ఈ కార్యక్రమంలో పరిషత్ ప్రధాన కార్యదర్శి జె.చెన్నయ్య, డా.అమ్మంగి వేణుగోపాల్ ,మణికొండ వేదకుమార్, గరిపల్లి అశోక్,రాష్ట్రం లోని వివిధ జిల్లాల నుండి వచ్చిన వందలమంది బాలసాహిత్యవేత్తలు, సేవకులు, విద్యార్థులుపాల్గొన్నారు. ఈ సభను బాలసాహిత్య కేంద్రసాహిత్య అకాడమి అవార్డు గ్రహీత డా.పత్తిపాక మోహన్ నిర్వహించారు. నిజామాబాద్ నుండి ప్రవీణ్ కుమార్ శర్మ, జె.శ్రీనివాస్, యం.మంజుల, బాలసాహిత్య పరిశోధకులు సురేందర్ పాల్గొని డా.కాసర్ల ను అభినందించారు.
Related posts:
కార్పొరేటర్ ఇంటి ఎదుట కాలనీవాసుల నిరసన ధర్నా
బ్యాడ్మింటన్ జాతీయస్థాయి పోటీలకు సీనియర్ అసిస్టెంట్
తెలంగాణ మెడికల్ సేల్స్ రిపేరింగ్ యూనియన్ యాన్వల్ జనరల్ బాడీ సమావేశం
చరిత్రను పరిశోధించండి, లిఖించండి
నిజామాబాద్ జిల్లాలో మండల కాంగ్రెస్ అధ్యక్షుల నియామకం
బీడీ కార్మికులకు షరతులు లేకుండా జీవన భృతి ఇవ్వాలి