నవతెలంగాణ -హుస్నాబాద్ రూరల్గ్రామంచాయతీ కార్మికుల న్యాయమైన డిమాండ్ లను అమలు చేయాలని కోరుతూ.. చేపట్టిన సమ్మె బుధవారానికి 14 రోజుకు చేరుకుంది. ఈ సందర్భంగా కార్మికులు మాట్లాడుతూ.. గ్రామాలలో మురికి చెత్తను తీసే కార్మికుల పట్ల ప్రభుత్వం మొండి వైఖరి సరికాదన్నారు. కార్మికుల సమస్యలను వెంటనే పరిష్కరించాలని, సమస్యల పరిష్కారమయ్యే వరకు సమ్మె విరమించేది లేదన్నారు. ఈ కార్యక్రమంలో మండల అధ్యక్షుడు దుర్గయ్య, మామిడి సంపత్, శ్రీనివాస్, తాడూరి లక్ష్మి, సదానందం, నాగరాజు, కార్తీక్, తిరుమల, వెంకటేశం తదితరులు పాల్గొన్నారు.
