చిన్ని పెట్టెలోనే ఉంది బిడ్డల భవిష్యత్తు. అదేంటి అనుకోకండి.. కిడ్డీ బ్యాంక్‌.. బాల్యం నుంచే పిల్లలకు పొదుపు అలవరిస్తే, భవిష్యత్‌లో వారు బంగారు బాటలో నడిచే వీలుంటుంది. అదెలాగో తెలుసుకుందాం…
పిల్లలు సులువుగా ఓపెన్‌ చెయ్యలేని కిడ్డీ బ్యాంక్‌ను కొనివ్వండి.
మీరు ఇస్తున్న పాకెట్‌ మనీలో కొంత మొత్తాన్ని మిగిల్చి అందులో వేస్తే, మీరు దానికి మరికొంత మొత్తాన్ని జమ చేసి ప్రోత్సహించాలి.
పిల్లలకు ఖర్చు చేయడంలో ఉన్న ఎంజారుమెంట్‌ను దాచుకోవడంలో కూడా చూపించండి.
కొన్ని బ్యాంకులు ప్రత్యేకించి పిల్లల కోసమే సేవింగ్‌ ఖాతాలను అందుబాటులో ఉంచాయి. పిల్లలను తీసుకొని బ్యాంకుకు వెళ్లి, వాళ్ల పేరుతోనే ఇలాంటి అకౌంట్‌ ఓపెన్‌ చెయ్యండి.
బ్యాంకు ఖాతాలో జమ చేయడం, సొమ్మును డ్రా చేయడం.. ఎలాగో మీరే దగ్గరుండి మీ పిల్లలకు నేర్పించండి.
పిల్లలు దాచుకున్న సొమ్మును కొంతకాలమయ్యాక వారిపేరుతోనే పోస్టాఫీసులో డిపాజిట్‌ చేయండి. గడువు తీరాక వచ్చే అసలుకు వచ్చే వడ్డీని తిరిగి పిల్లలకే ఇచ్చేయండి.
మ్యూచువల్‌ ఫండ్స్‌లో బోలెడు చిల్డ్రన్‌ ప్లాన్స్‌ ఉన్నాయి. వాటిలో మీ పిల్లల పేరుతో పెట్టుబడి పెట్టండి. అది వారికి అర్థమయ్యేలా వారి చదువు కోసం మీరెంత కష్టపడుతున్నారో చూపించండి.
డబ్బు విలువను చిన్నప్పటి నుంచే పిల్లలకు తెలియజేస్తే.. పెరిగి పెద్దయ్యాక దుబారా ఖర్చులు చేయరని పలు సర్వేలు సూచిస్తున్నాయి.
