2023 అక్టోబరు 7న హమాస్‌ ఇజ్రాయిల్‌పై దాడి చేసిన తరువాత గాజాపై ఇజ్రాయిల్‌ ప్రతీకార బాంబు దాడులతో యుద్ధం మరింత వికృతరూపం ధరించింది. ఆసుపత్రులు, పాఠశాలలు, శరణార్ధుల కేంద్రాలను లక్ష్యంగా చేసుకుని కార్పెట్‌ బాంబుదాడులను సాగిస్తోంది. కొరియా, వియత్నాం యుద్ధా లలో ఒక్క అంగుళం కూడా వదలకుండా కార్పెట్‌ బాంబు దాడులను చేసి అమెరికా మారణహోమాన్ని సృష్టించింది. అదే చరిత్రను పునరావృతం చేస్తూ, ఇజ్రాయిల్‌ సైన్యం నాన్‌స్టాప్‌ బాంబు దాడులు చేస్తూ, గాజాలో ఇండ్లను భూమట్టం చేస్తూ శ్మశానానందాన్ని పొందు తుంది. తనపై దాడి చేసిన హమాస్‌ వారిని పట్టుకోలేక, 21 వేలమందికి పైగా సామాన్య అమాయక ప్రజలను హతమార్చింది. ఇందులో 70 శాతం మంది చిన్న పిల్లలు, మహిళలతో పాటుగా జర్నలిస్టులు, డాక్టర్లు కూడా వు న్నారు. తీవ్ర అననుకూల పరిస్ధితులలో వార్తలను సేకరిస్తూ, సంఘర్షణలను, బాంబుదాడులను చిత్రీకరిస్తూ 90 మంది జర్న లిస్టులు తమ ప్రాణాలనర్పించారు. హ్యూమన్‌ రైట్స్‌ వాచ్‌ గత వారం ఇజ్రాయిల్‌ ప్రభుత్వం యుద్ధ నేరానికి పాల్పడిందని ఆరో పించింది. ప్రజలకు ఆహారం, నీరు అందకుండా కృత్రిమ కరు వును సృష్టించి ప్రజల ప్రాణాలను తీస్తున్న ఇజ్రాయిల్‌ ప్రధాని నెతన్యాహూని ఈ నాటి హిట్లర్‌ అని టర్కీ అధ్యక్షుడు ఎర్డోగాన్‌ అన్నారు. అంతేకాకుండా ‘గాజాపై ఈ పిచ్చి దాడులను ఆపే యాలి. ఇజ్రాయిల్‌ వెంటనే ఈ మాడ్నెస్‌ని, దాడులను ఆపాలి.’ అన్నారు. పాలస్తీనా ప్రజలకు అండగా తామున్నామంటూ, ప్రపంచంలోనే అతిపెద్ద ప్రజా ప్రదర్శను ఇస్తాంబుల్‌ పట్టణంలో నిర్వహించారు. మలేసియా ప్రధాని అన్వర్‌ ఇబ్రహీమ్‌, మలేసియా ఒక స్వతంత్ర సార్వభౌమ దేశమని, అమెరికా ఒత్తిడు లకు లొంగమన్నారు. తమ హక్కుల కోసం, స్వాతంత్య్రం కోసం పోరాడుతున్న పాలస్తీనియన్లకు పూర్తి సహకారమంది స్తామని పెద్ద ప్రజా ప్రదర్శనను నిర్వహించారు. కొలంబియా అధ్యక్షుడు పెట్రో. దక్షిణాఫ్రికా అధ్యక్షుడు రామఫాస్‌, అమెరికా, జర్మనీ, బ్రిటన్‌, ప్రపంచ ప్రజలు గాజా ప్రజలకు అండగా వుంటా మన్నారు.
మానవ కల్పిత కరువు
గాజాలోని పాలస్తీనియన్లకు అవసరమయిన ఆహారంలో కేవలం పది శాతం మాత్రమే అందుతున్నదని ఐక్యరాజ్య సమితి వెల్లడించింది. ఖచీ ఏజెన్సీలు, చీ+ఉలు, సహాయసంస్థల భాగ స్వామ్యం అయిన ఇంటిగ్రేటెడ్‌ ఫుడ్‌ సెక్యూరిటీ ఫేజ్‌ క్లాసిఫికే షన్‌ ప్రచురించిన ఒక నివేదికలో, గాజాలో ఉన్న కుటుంబాలు, ఆకలి సంక్షోభంలో తీవ్రమైన ఆహార అభ ద్రతతో బాధపడుతున్నట్లు పేర్కొంది. గాజాలోని మొత్తం 23 లక్షల జనాభా అతి పెద్ద మానవ కల్పిత కరువు ప్రమాదాన్ని ఎదుర్కొంటోందని హెచ్చరించింది. తక్షణ కాల్పుల విరమణ కోసం ఐ.రా.స పిలుపునిచ్చేందుకు వీల్లేదని అమెరికా వీటోని ప్రయోగించి తన సామ్రాజ్యవాద స్వభావాన్ని మరోసారి నిరూ పించుకున్నది. గాజాలో మానవతావాద పరిస్థితి మరింత భయంకరంగా మారడంతో ఇజ్రాయిల్‌ సైనిక చర్య సమర్థించ లేనిదిగా మారడంతో, టెల్‌ అవీవ్‌ బలమైన మద్దతుదారు అయిన యునైటెడ్‌ స్టేట్స్‌, జర్మనీ, బ్రిటన్‌లలో కూడా ప్రజలు తిరగబడుతున్నారు. ప్రభుత్వాలు ఇరుకున పడుతున్నాయి.ఎర్ర సముద్రంలోని ”ఇజ్రాయెల్‌-లింక్డ్‌” నౌకలపై యెమెన్‌ హౌతీ మిలీషియా వారి దాడులను తీవ్రతరం చేయడంతో వివాదం మధ్యప్రాచ్యంలోని ఇతర ప్రాంతాలకు వ్యాపిస్తోంది. ఇజ్రాయిల్‌ -పాలస్తీనాకు పరిమితమయిన యుద్ధభూమి సముద్రానికి మారింది.
పాలస్తీనాకు మద్దతిస్తున్న హౌతీ రెబెల్స్‌ ఎర్రసముద్రాన్ని (రెడ్‌సీ) యుద్ధ క్షేత్రంగా మార్చుకుని ఇజ్రాయిల్‌తో సంబంధ మున్న దేశాల నౌకలపై డ్రోన్లు, క్షిపణులతో దాడులను చేస్తు న్నారు. ప్రపంచ వాణిజ్య రంగంలో ముఖ్యమైన నౌకా రవాణా రంగంలో అత్యంత కీలకమైన మార్గం ఎర్రసముద్ర నౌకా మా ర్గం. ఈ మార్గం ద్వారానే అమెరికా, ఐరోపా దేశాలు ఆసియా, ఆఫ్రికా దేశాలతో వ్యాపారం చేసి లాభాలను ఆర్జిస్తున్నాయి. ఆఫ్రికా చుట్టూ తిరిగిరాకుండా ఈజిప్ట్‌లోని సూయజ్‌ కాలువ-ఎర్రసముద్రం మీదుగా ఆంతర్జాతీయ వాణిజ్యం సాగుతోంది. బాబ్‌ ఎల్‌ మండెప్‌ జలసంధి వద్ద మార్గం చాలా సన్నగా 29 కి.మీ. మాత్రమే వుండటం వలన సముద్ర నౌకలపై దాడులకు అనువుగా వుంది. దగ్గరలో వున్న ఎమెన్‌ను స్ధావరంగా చేసు కుని హౌతీ రెబెల్స్‌ వాణిజ్య నౌకలపై దాడుల ద్వారా, అంత ర్జాతీయ వాణిజ్య సమాజాన్ని గాజాలో మారణహోమాన్ని ఆప మని కోరుతున్నారు. ఇజ్రాయిల్‌, అమెరికా యూరప్‌లను హడ లెత్తిస్తున్నారు. మొత్తం ఆంతర్జాతీయ సమాజానికి అల్టిమేటం ఇస్తున్నారు. అమెరికా నేతృత్వంలోని పది దేశాల మిలిటరీ బలగాలను ఎర్రసముద్రంలోకి దించి హౌతీలను ఎదుర్కోవాలని అమెరికా ”ఆపరేషన్‌ ప్రాస్పరిటీ గార్డియన్‌” వ్యూహాలను రచి స్తున్నది. యుద్ధనౌకల పహారాతో సముద్ర నౌకలను దాడుల నుండి రక్షించటానికి ఎర్రసముద్ర (రెడ్‌ సీ) సంకీర్ణ రక్షణ కూట మిని అమెరికా ఏర్పాటు చేసింది. ఈ కూటమిలో అమెరికా, బ్రిటన్‌, ఫ్రాన్స్‌, బహరైన్‌, సేచెలెస్‌, స్పెయిన్‌, నార్వే, నెదర్లాండ్‌, కెనడా, ఇటలీతో పది దేశాలున్నాయి. ప్రాంతీయ దేశాలలో బల మైన సౌదీ అరేబియా, ఈజిప్ట్‌ చేరలేదు. ఒక్క బరైన్‌ దేశం ఈ కూటమిలో చేరింది. బరైన్‌ దేశం జనాభాలోనూ, వైశా ల్యంలోనూ, సైనికశక్తిలో కూడా చిన్నదేశమే. కూటమిలో చేరటానికి అన్ని నాటో దేశాలు ఉత్సాహం చూపటం లేదు.
గాజాపై దాడులు ఆపకపోతే ప్రపంచ ఇంటర్నెట్‌ పై కూడా దాడి చేస్తామని హౌతీలు హెచ్చరించారు. బాబ్‌ ఎల్‌ మండెప్‌ జలసంధికి దగ్గర సముద్ర భూగర్భజలాల నుంచి వెళ్తున్న సము ద్ర కేబుల్‌ నెట్‌వర్క్‌ వైర్‌లను కత్తిరించేస్తామన్నారు. ప్రపం చంలో వున్న ఇంటర్నెట్‌ డేటా 99 శాతం సబ్‌మెరైన్‌ కేబుల్స్‌ ద్వారానే జరుగుతుంది. హౌతీలు కొత్తగా నౌకల పైననే కాకుం డా, ప్రత్యక్షంగా అమెరికా యుద్ధనౌకలపైనా, ఇజ్రాయిల్‌ పోర్టల్‌ లపై కూడా దాడులను మొదలెట్టారు. అమెరికా యుద్ధనౌకలు హౌతీల మిస్సైల్‌ దాడిని ఆపలేకపోయాయి. వందలకొలదీ నౌ కలు సముద్రంలో లంగరు వేసి ఆగిపోయాయి. అతి పెద్ద, యం.స్‌.సీ యునైటెడ్‌ వాణిజ్య నౌకపై డిసెంబర్‌ 26న హౌతీ మిలిటరీ మిస్సైల్‌తో దాడి చేసినట్లుగా వెల్లడించింది. గెలక్సీ లీడర్‌ అనే ఇజ్రాయిల్‌ వ్యాపారి నౌకను హైజాక్‌ చేసి 25 మంది సిబ్బందిని ఎమెన్‌లో నిర్బంధించారు. ఇజ్రాయిల్‌తో అంటకాగు తున్న ఇండియా నౌకలను కూడా వదలలేదు. ఇండియా వస్తు న్న ఎం.వి.కెమ్‌.ఫ్లూటో నౌకపైనా, సౌదీ నుండి వస్తున్న ఎం.వి.సాయిబాబా నౌకల పైన కూడా డ్రోన్‌ దాడులు జరి గాయి. భారతదేశం మూడు యుద్ధనౌకలను కాపలాగా పంపిం చింది. అందులో ”ఐ యన్‌ యస్‌ మారముగో”గైడెడ్‌ మిస్సైల్‌ విధ్వంసక నౌక కూడా వుంది.
ప్రపంచ ప్రజలు ఉద్యమించాలి
నౌకలు రెడ్‌సీ ద్వారా రోజుకి 16 నాటికల్‌ మైళ్ళ వేగంతో ప్రయాణించి 25 రోజులలో యూరప్‌ని చేరగలుగుతున్నాయి. ఎర్రసముద్రాన్ని తప్పించి ఆఫ్రికా చుట్టూ తిరిగి గుడ్‌ హోప్‌ మార్గం ద్వారా ప్రయాణించటానికి 43 రోజులు పడుతుంది. వ్యయ ప్రయాసలకోర్చి రూట్‌ మార్చే ప్రయాణానికి తొమ్మిది రో జుల నుండి 30 రోజులు ఆలస్యమవుతుంది. 15 రోజులు ప్ర యాణకాలం పెరిగితే నౌకకు ఇంధనం ఖర్చు అదనంగా 10 లక్షల డాలర్లవుతాయి. వందకుపైగా వాణిజ్య నౌకలు రూటు మార్చుకున్నాయి. ఆఫ్రికా చుట్టూ తిరిగి వెళ్తున్నాయి. ఆయిల్‌ ధరలు మూడు శాతం పెరిగి ఒక బారల్‌ చమురు ధర 80 డాల ర్లకు చేరింది. బీమా కంపెనీలు ప్రతి కంటైనర్‌ మీద 700 డాలర్ల సర్‌ఛార్జి విధిస్తున్నారు. నిత్యావసరవస్తువులన్నిటికీ ఆసి యా, ఆఫ్రికా దేశాలపై ఆధారపడిన అమెరికా యూరప్‌ దేశాలు సరుకుల రవాణా ఆలస్యాన్ని భరించలేవు. ఖర్చు పెరుగుతుంది. ఆసియా దేశాలకు చమురు సహజ వాయువు దిగుమతులు కష్ట వుతాయి. ప్రపంచవ్యాపితంగా ధరలు పెరిగి ద్రవ్యోల్బణం సం భవించి ఆర్ధిక సంక్షోభానికి దారి తీస్తుంది. అంతర్జాతీయ వాణి జ్యానికి ప్రమాదంగా పరిణమించిన సమస్యను పరిష్కరించా లంటే గాజాపై ఇజ్రాయిల్‌ 83 రోజుల మానవ హననాన్ని ఆపేటట్లుగా ప్రపంచ ప్రజలు ఉద్యమించాలి.
టెక్నాలజీ, ఆయుధాలు సమస్యలన్నిటినీ పరిష్కరిస్తాయనే విశ్వాసం అన్నిసార్లూ వాస్తవం కాదని పాలస్తీనీయులు, హౌతీలు నిరూపించారు. ప్రపంచంలో అత్యంత ఆధునిక టెక్నాలజీ సహా యంతో ఏదైనా ముందే కనుక్కోగలమనే ఇంటలిజెన్స్‌ నెట్‌వర్క్‌ వున్నదనుకుని విర్రవీగే ఇజ్రాయిల్‌ ప్రభుత్వం, హమాస్‌ దాడిని ముందే పసిగట్టలేకపోయింది. హఠాత్తుగా జరిగిన అక్టోబర్‌ 7 దాడిని జీర్ణించుకోలేక సాగిస్తున్న విశృంఖల దాడులు హమాస్‌ ని పట్టుకోవటంలో విఫలం చెంది విచక్షణారహితంగా సామాన్య ప్రజలను హతమారుస్తున్నారు. 200 డాలర్లతో తయారయ్యే డ్రోన్‌లతో, లక్షలకోట్ల డాలర్ల విలువ చేసే నౌకలను హౌతీలు హడలెత్తిస్తున్నారు. లక్షల కోట్ల అంతర్జాతీయ వాణిజ్యం సంక్షో భంలోకి జారేటట్లున్నది. వరస ఎదురుదెబ్బలు తింటూ, డాలర్‌ పతనం ప్రారంభమై, ఉక్రెయిన్‌లో కూడా భంగపడబోతున్న అమెరికాకు ఇజ్రాయిల్‌ దుశ్చర్యలను చివరకంటా బలపరచటం సాధ్యం కాదు. ప్రజలే చరిత్రను నిర్మిస్తున్నారు.
– డాక్టర్‌ కొల్లా రాజమోహన్‌
