సాంఘీక సంక్షేమ, గిరిజన గురుకుల కళాశాలల ప్రవేశ పరీక్ష గోడప్రతుల ఆవిష్కరణ -

నవతెలంగాణ-కంటేశ్వర్
తెలంగాణ సాంఘిక సంక్షేమ, గిరిజన గురుకుల కళాశాలలు ఉమ్మడిగా నిర్వహించే ప్రవేశ పరీక్ష టీజీయూజీ సెట్ – 2023 ను పురస్కరించుకుని రూపొందించిన గోడప్రతులను కలెక్టర్ సి.నారాయణ రెడ్డి మంగళవారం తన చాంబర్ లో ఆవిష్కరించారు. ఈ సందర్భంగా కలెక్టర్ మాట్లాడుతూ, టీజీయూజీ సెట్ – 2023 ప్రవేశ పరీక్షకు హాజరు కావాలనుకునే ఆసక్తి, అర్హత కలిగిన వారు ఫిబ్రవరి 5వ తేదీ లోపు దరఖాస్తు చేసుకోవాలని సూచించారు. https://tswreis.in/ వెబ్ సైట్ ద్వారా అర్హులైన విద్యార్థులు దరఖాస్తులు చేసుకోవాలని తెలిపారు. ఇంటర్ పూర్తి చేసుకున్న వారితో పాటు సెకండ్ ఇయర్ చదువుతున్న విద్యార్థులు ఈ పరీక్షకు అర్హులని అన్నారు. గురుకుల డిగ్రీ కళాశాలల్లో నాణ్యమైన ఉచిత విద్యను అందించడంతో పాటు విద్యార్థులకు వివిధ రకాల జి ఆర్ ఈ, డేటా సైన్స్ , ఐఐటి జామ్ వంటి కోర్సుల్లో శిక్షణ అందిస్తూ విద్యార్థులు ఉన్నత శిఖరాలు అందుకునేలా ప్రోత్సహిస్తున్నాయని అన్నారు.
ఈ అవకాశాన్ని అర్హులైన వారందరూ సద్వినియోగం చేసుకోవాలని, మరిన్ని వివరాల కోసం స్థానిక డిగ్రీ కళాశాలల బాధ్యులను సంప్రదించాలని సూచించారు.
నిజామాబాద్ సోషల్ వెల్ఫేర్: 7995010688, ఆర్మూర్ సోషల్ వెల్ఫేర్: 9182584753, తెలంగాణ గిరిజన గురుకుల కళాశాల నిజామాబాదు: 9030729706 నెంబర్లకు సంప్రదించాలని కలెక్టర్ తెలిపారు. పోస్టర్ల ఆవిష్కరణ కార్యక్రమంలో సోషల్ వెల్ఫేర్ డిగ్రీ కళాశాల-నిజామాబాద్ ప్రిన్సిపల్ కే లావణ్య, సోషల్ వెల్ఫేర్ డిగ్రీ కళాశాల-ఆర్మూర్ ప్రిన్సిపల్ కే గాయత్రి, ట్రైబల్ వెల్ఫేర్ డిగ్రీ కళాశాల-నిజామాబాద్ ప్రిన్సిపల్ జైనథ్, వైస్ ప్రిన్సిపల్ వాసవీలత తెలుగు విభాగం అధిపతి కే రజిత పాల్గొన్నారు.

Spread the love

Related posts: