మరో హీరో హరి మాట్లాడుతూ… నాకు ఇంత మంచి అవకాశం ఇచ్చిన మా డైరెక్టర్‌ సుబ్రమణ్యంకి ఎప్పటికీ రుణపడి ఉంటా. అందరం చాలా కష్టపడి సినిమా చేశాం. ప్రేక్షకులు సూపర్‌హిట్‌ చేస్తారని ఆశిస్తున్నాను అన్నారు. దర్శక, నిర్మాత చిగురుపాటి సుబ్రమణ్యం మాట్లాడుతూ… మమ్మల్ని ఆశీర్వదించటానికి వచ్చిన నాగ్‌ అశ్విన్‌కి మా యూనిట్‌ తరపున కతజ్ఞతలు. ఈ చిత్రానికి నాతోపాటు యూనిట్‌ మొత్తం చాలా కష్టపడిరది. సంవత్సర కాలంగా మాకు ఈ సినిమానే జీవితం అయిపోయింది. ఇందులో నటించిన ఆర్టిస్ట్‌లు, టెక్నీషియన్స్‌ అందరూ డబ్బులు ప్రధానంగా చూడకుండా పని చేశారు. సినిమా అంతా నెల్లూరు యాసలో సాగుతుంది. ఉమ్మడి నెల్లూరు జిల్లా మొత్తం మాకు చాలా సహకరించింది. ఈ సినిమాను ఆదరించండి… తప్పకుండా ప్రేక్షకులకు నచ్చే సినిమాలనే తీస్తాను. మొత్తం 5 పాటలు, 6 ఫైట్‌లు ఉంటాయి. ప్రతి ఆర్టిస్ట్‌, టెక్నీషియన్‌ తమ స్వంత సినిమాగా భావించి పనిచేశారు. ఇంతమంది ఇంత ప్రేమతో చేసిన ఈ ‘నెల్లూరి నెరజాణ’ను ప్రేక్షకులు తప్పకుండా ఆదరిస్తారనే నమ్మకం నాకుంది అన్నారు.
