నరేష్‌ అగస్త్య, సంగీర్తన విపిన్‌, ఆర్యన్‌ రాజేష్‌ ప్రధాన పాత్రలు పోషిస్తున్న మెడికల్‌ క్రైం థ్రిల్లర్‌ ‘అసురగణ రుద్ర’. మురళీ కాట్రాగడ్డ దర్శకుడిగా పరిచయం అవుతున్న ఈ చిత్రాన్ని కమ్జుల ప్రొడక్షన్స్‌ పతాకంపై మురళీ వంశీ నిర్మిస్తున్నారు. తాజాగా ఈ చిత్రం నుంచి ‘నీ కనులలో’ పాటని విడుదల చేశారు మేకర్స్‌. శేఖర్‌ చంద్ర ఈ పాటని మళ్ళీ మళ్ళీ వినాలనిపించే బ్యూటీఫుల్‌ మెలోడీగా కంపోజ్‌ చేశారు. సిద్దార్థ్‌ మీనన్‌ లైవ్లీగా పాడిన ఈ పాటకు నికేష్‌ కుమార్‌ దాసగ్రంధి ఆకట్టుకునే సాహిత్యం అందించారు. ఈ పాటలో లీడ్‌ పెయిర్‌ మధ్య కెమిస్ట్రీని చాలా ప్లజెంట్‌గా దర్శకుడు ప్రజెంట్‌ చేశారు. మురళీ శర్మ, ఆమని, శత్రు, అమిత్‌, అభినయ, దేవీ ఫ్రసాద్‌ లాంటి ప్రముఖ తారాగణం కీలక పాత్రలు పోషిస్తున్నారు. ఈ చిత్రానికి రచన, దర్శకత్వం: మురళీ కాట్రగడ్డ, నిర్మాత: మురళీ వంశీ, సంగీతం: శేఖర్‌ చంద్ర, డీవోపీ: అమరనాథ్‌ బొమ్మిరెడ్డి, ఎడిటర్‌: శ్రీకాంత్‌ పట్నాయక్‌, ఫైట్స్‌: నబా మాస్టర్‌.
