– అటవీ శాఖకు అందజేసిన యూనియన్‌ బ్యాంకు
నవతెలంగాణ బ్యూరో-హైదరాబాద్‌
ఆపదలో ఉన్న వన్య ప్రాణులు, పక్షులను కాపాడేందుకు అటవీ శాఖ సరికొత్త రక్షణ వాహనాన్ని (రెస్క్యూ వెహికిల్‌) అందుబాటులోకి తెచ్చింది. సామాజిక బాధ్యతలో భాగంగా హైదరాబాద్‌లోని డాక్టర్‌ బీఆర్‌ అంబేద్కర్‌ సచివాలయం కేంద్రంగా పనిచేస్తున్న యూనియన్‌ బ్యాంక్‌ శాఖ సుమారు పది లక్షల రూపా యల వ్యయంతో ఈ వాహనాన్ని సమకూర్చింది. అరణ్య భవన్‌లో గురువారం జరిగిన కార్యక్రమంలో బ్యాంకు ఉన్నతాధికారులు, అటవీ శాఖకు ఈ వాహనాన్ని అందించారు. ఈ సందర్భంగా పీసీసీఎఫ్‌ ఆర్‌.ఎం.డోబ్రియల్‌ మాట్లాడుతూ.. గ్రేటర్‌ హైదరాబాద్‌ తో పాటు, చుట్టు పక్కల జిల్లాల్లో వన్య ప్రాణులు మానవ ఆవాసాల్లోకి వచ్చినపుడు, ప్రమాదాల బారిన పడినా, నెమళ్లు, ఇతర పక్షులు చిక్కుకుపోయిన సందర్భాల్లో వాటిని రక్షించేందుకు ఈ వాహనం పనిచేస్తుందని చెప్పారు. జంతువుల వేట, స్మగ్లింగ్‌ కార్యకలాపాలను నిరోధించేందుకూ ఈ వాహ నంతో కూడిన యాంటీ పోచింగ్‌ టీమ్‌ సత్వరంగా స్పందిస్తుందన్నారు. అరణ్య భవన్‌ టోల్‌ ఫ్రీ నెంబర్‌ 18004255364కు ఫోన్‌ చేసి సమాచారమందిస్తే, రెస్క్యూ టీమ్‌ వెంటనే స్పందిస్తుందని అటవీ శాఖ అధికారులు తెలి పారు. యూ నియన్‌ బ్యాంక్‌ అధికారులు చీఫ్‌ జనరల్‌ మేనేజర్‌ కే. భాస్కర రావు, డీజీఎం కే. శ్రీధర్‌ బాబు, విజరు కుమార్‌, అటవీ శాఖ ప్రత్యేక అధికారి (వైల్డ్‌ లైఫ్‌) శంకరణ్‌, డీసీఎఫ్‌ సంహిత, యాంటీ పోచింగ్‌ రేంజ్‌ ఆఫీసర్‌ రమేష్‌ కుమార్‌ పాల్గొన్నారు.
