అథ్లెటిసిజం కలగలసి వైమానిక విన్యాసాలుగా రూపుదిద్దుకుం టున్నాయి. చూడటానికి జిమ్నాస్టిక్‌గా అనిపిస్తూనే ఆకాశంలో హరివిల్లులా మారే నృత్యప్రదర్శన ఓ అద్భుత ప్రకియ. ఇది నేడు అందరి మనసును ఆకట్టుకుంటోంది. అటువంటి విలక్షణమైన క్రీడలో తనకంటూ ప్రత్యేక ముద్ర వేసుకుంది అదితి దేశ్‌పాండే. తనలోని నైపుణ్యానికి గుర్తుగా మహారాష్ట్ర ప్రభుత్వం నుండి క్రీడా అవార్డు సైతం అందుకుంది. ప్రస్తుతం తనకు ప్రవేశం ఉన్న ఈ విన్యాసాలలో ఆసక్తి కలిగిన వారికి శిక్షణ ఇస్తుంది.
అదితి దేశ్‌పాండే ముంబైలోని తన అకాడమీ ఫ్లై హై ఏరియాల్‌ ఆర్ట్‌ గురించి మాట్లాడుతూ ‘చాలా మంది ఫిజికల్‌ ఫిట్‌నెస్‌ కోసం జిమ్‌కి వెళ్లాలనుకుంటారు. అయితే ఇదంతా గతంలో. ఇప్పుడు చాలా మంది ఏరియల్‌ ఆర్ట్స్‌ నేర్చుకోవాలని కోరుకుంటున్నారు. పెద్దలు తమ ఆఫీసులు పూర్తి చేసుకొని, పిల్లలు తమ స్కూల్‌ సమయం తర్వాత శిక్షణ కోసం జరిగే క్లాసులకు హాజరయ్యేందు మా దగ్గరకు వస్తున్నారు’ అని చెబుతున్నారు.
శరీర బరువులో సమతుల్యత
సిల్క్‌ ఫ్యాబ్రిక్‌, హూప్స్‌, తాళ్లు లేదా ట్రాపెజెస్‌ని ఉపయోగించి గాలిలో నృత్యం చేసిన వ్యక్తులు ఉన్నారు. ఈ డ్యాన్స్‌ సంగీతంతో సెట్‌ చేసి ఉంటుంది. ప్రదర్శనలు చేయడానికి వ్యక్తుల బలం, సౌలభ్యాన్ని మిళితం చేసి దృశ్యంగా మార్చే అద్భుతమైన ప్రక్రియ ఇది. ఒక సాధారణ వ్యక్తి ఈ విన్యాసాలను చాలా వరకు గురుత్వాకర్షణకు వ్యతిరేకంగా చేయడానికి తన పూర్తి బలాన్ని ఉపయోగిస్తాడు. అయితే వైమానిక స్కిల్స్‌ ప్రదర్శించే సమయంలో వెనుక కండరాలను ఉపయోగించాల్సి వస్తుంది. దీని కోసం మన శరీర బరువులో ఒక సమతుల్యతను తీసుకురావాల్సి ఉంటుంది. కనుక ఈ విన్యాసాల వల్ల మన శరీర బరువు సమతుల్యంగా ఉంటుంది’ అని అదితి వివరిస్తున్నారు.
వీటిని ఎలా చేస్తారంటే..?
ఈ వైమానిక ప్రదర్శనలో డ్రాప్స్‌, రోజులు, స్పిన్‌లు… ఇలా రకరకాలుగా చేయడానికి ముందు వ్యక్తులు తమను తాము ఫ్యాబ్రిక్‌లో చుట్టుకుంటారు. ఏరియల్‌ రోప్‌ అనేది లైక్రాతో తయారు చేయబడిన వృత్తాకార ఉపకరణం. దీనిని కళాకారులు విన్యాసాలను ప్రదర్శించడానికి ఉపయోగిస్తారు. ట్రాపెజ్‌ అనేది తాళ్లు, తీగలతో చేసేది. ఇక్కడ ప్రదర్శనకారులు గాలిలో ఊగుతూ విన్యాసాలు చేస్తారు. స్ట్రాప్స్‌లో కళాకారులు సీలింగ్‌కు జోడించిన పట్టీలపై ప్రదర్శనలు చేస్తారు. చూడటానికి ఇది ఎంతో అద్భుతంగా, అబ్బురపరుస్తుంది. ‘ఇటువంటి సాహస విన్యాసాలు నేర్చుకునేందుకు మహిళలు ఎంతో మంది ముందుకొస్తున్నారు. అందుకే నాకు చాలా సంతోషంగా ఉంది’ అని అదితి పంచుకుంటున్నారు.
ఢిల్లీలోని స్విస్‌ దగ్గర ప్రదర్శన
స్విస్‌ కళాకారుడు జాసన్‌ బ్రూగర్‌, భారతీయ హులా హూప్‌ ప్రాక్టీషనర్‌ ఎష్నా కుట్టి అక్టోబర్‌ 2024లో న్యూ ఢిల్లీలోని స్విస్‌ రాయబార కార్యాలయంలో రెండు దేశాలు 75 ఏండ్ల స్నేహాన్ని జరుపుకుంటున్న సందర్భంగా ప్రదర్శన ఇవ్వనున్నారు. వైమానిక కళలకు ‘ఉన్నత స్థాయి సాంకేతికత అవసరం. కాబట్టి ఇది కచ్చితంగా జిమ్నాస్టిక్స్‌ వంటి క్రీడలతో పోల్చవచ్చు. కానీ కదలిక, సంగీతం, కోర్సు సాంకేతికత ద్వారా కళ సృష్టించడం. వేదికపై ఉన్నప్పుడు నా వ్యక్తిగత లక్ష్యం నా శరీరం ఏమీ చేయగలదో చూపించడం ద్వారా ప్రజలను ఆకట్టుకోవడం నా లక్ష్యం’ అంటున్నారు ఆమె.
అందరికీ అందుబాటులో ఉందా?
అహ్మదాబాద్‌లోని ఏరియల్‌ ఆర్ట్స్‌ ఇండియా అకాడమీ వ్యవస్థాపకులు మాస్టర్‌ ట్రైనర్‌ అయిన జీల్‌ సోనీ దీని గురించి మాట్లాడుతూ ‘మా దగ్గర 55 ఏండ్ల వ్యక్తి నుండి 12 ఏండ్ల అమ్మాయి వరకు ప్రతి ఒక్కరూ ఈ ఏరియల్‌ ఆర్ట్‌ నేర్చుకోవాలనుకుంటున్నారు. ఇటీవల కాలంలో ప్రజలు సాహసాలు చేసేందుకు ఆసిక్త చూపుతున్నారు. అందుకే జిమ్‌కి వెళ్లకుండా ఏరియల్‌ ఆర్ట్‌లను ఎంచుకుంటారు. పరికరాలు, మౌలిక సదుపాయాల విషయానికొస్తే క్రాష్‌ మ్యాట్‌లు, ప్రథమ చికిత్స, సేఫ్టీ గ్రిప్‌ ఎయిడ్‌ నుండి అన్నింటినీ మేము అందిస్తాం’ అని ఆమె అంటున్నారు.
ఖర్చు ఎంతంటే..
సోని తన శిక్షణా కేంద్రంలో ఎనిమిది వైమానిక కళ శిక్షణా కార్యక్రమాన్ని రూపొందించారు. ఈ కోర్సు మొత్తం పూర్తి చేయడానికి రెండేండ్ల సమయం పడుతుంది. ఒకటి నుండి నాలుగు స్థాయిల్లో వైమానిక కళలను పరిచయం చేస్తాయి. ఐదు నుండి ఎనిమిది వృత్తిపరమైన స్థాయిలు. ప్రతి పరిచయ స్థాయి శిక్షణకు ఒకటిన్నర నెలలకు సుమారు రూ.6500. ప్రతి ఉన్నత స్థాయికి మూడు నెలలకు రూ.13,500 ఖర్చు అవుతుంది. సృజనాత్మకత, శిక్షణ, కఠినమైన మనస్తత్వం కూడా ఈ కళకు చాలా ముఖ్యమైనవి. మంచి కోచ్‌తో పని చేస్తే సరైన శిక్షణ లభిస్తుంది. సర్కస్‌లు, డ్యాన్స్‌ షోలు లేదా థియేటర్‌లలో ప్రదర్శించే ఏరియల్‌ ఆర్టిస్టులకు రూ.లక్ష నుండి ఐదు లక్షల వరకు చెల్లిస్తారు. ముంబై, బెంగుళూరు, ఢిల్లీ, పూణేలోని స్టూడియోలు సెషన్‌ల సంఖ్య ఆధారంగా తరచుగా ప్యాకేజీలుగా ఉండే తరగతులను అందిస్తాయి. ప్లేస్‌, శిక్షణ రకం, కోచ్‌, కోర్సు వ్యవధి ఆధారంగా ట్రెయినింగ్‌ ఫీజు ఉంటుంది.
