– ఆదనపు పీసీసీఎఫ్‌ డాక్టర్‌ వినరు కుమార్‌
నవతెలంగాణ బ్యూరో-హైదరాబాద్‌
ఇండియన్‌ కౌన్సిల్‌ ఆఫ్‌ ఫారెస్ట్రీ రీసెర్చ్‌, ఎడ్యుకేషన్‌ డైరెక్టర్‌(ఇంటర్నేషనల్‌ కో ఆపరేషన్‌)గా సీనియర్‌ ఐఎఫ్‌ఎస్‌ అధికారి డాక్టర్‌. వినరుకుమార్‌ నియమితులయ్యారు. ఆయన ఐదేండ్ల పాటు ఈ పదవిలో ఉండనున్నారు. ఫారెస్ట్‌ రీసెర్చ్‌, ఎడ్యుకేషన్‌పై అంతర్జాతీయ సంబంధాలను సమన్వయం చేయనున్నారు. వివిధ దేశాలకు చెందిన సంస్థల అటవీ అధ్యయనం, పరిశోధనలు, పర్యావరణ మార్పులపై జరిగే సదస్సులను వినరు కుమార్‌ పర్యవేక్షిస్తారు. ఆయన ప్రస్తుతం తెలంగాణ అటవీ శాఖలో అదనపు పీసీసీఎఫ్‌ హౌదాలో ఐటీ, వర్కింగ్‌ ప్లాన్‌ బాధ్యతలను నిర్వహిస్తున్న విషయం విదితమే.
