నవతెలంగాణ బ్యూరో – హైదరాబాద్‌
భద్రాద్రి కొత్తగూడెం జిల్లా అశ్వారావుపేట మండలం గుమ్మడవల్లి గ్రామానికి చెందిన అత్తునూరి వెంకటరామి రెడ్డి, కుమారి దంపతుల కుమారుడు అత్తునూరి నాగిరెడ్డి హైదరాబాద్‌లోని సీఎస్‌ఐఆర్‌-ఐఐసీటీలో లోహ ఉత్ప్రేరక సమక్షంలో ఆల్కైన్‌ల క్రియాశీలత అను అంశం మీద విశేష పరిశోధనలు జరిపారు. ఆ పరిశోధనలకుగాను సీఎస్‌ఐఆర్‌-ఏసీఎస్‌ఐఆర్‌ సంయుక్తంగా నాగిరెడ్డికి డాక్టరేట్‌ ప్రధానం చేసింది. పేద కుటుంబానికి చెందిన డీఎస్‌ టీ-ఇన్‌స్పైర్‌ స్కాలర్‌షిప్‌ని పొందారు. రసాయన శాస్త్రం మీద ఉన్న మక్కువతో కష్టపడి ఉస్మానియా విశ్వవిద్యాలయంలో ఎమ్మెస్సీ ఆర్గానిక్‌ కెమిస్ట్రీ పూర్తి చేశారు. ఈ సమయంలో యుజిసి అందించు మెరిట్‌ స్కాలర్‌షిప్‌ పొందడమే కాకుండా, ఐఐటీ కాన్పూర్‌లో రెండు నెలల ప్రాజెక్ట్‌ చేశారు. ఈ సమయంలో కర్బన సమ్మేళనాలు మరియు వాటి ఉపయోగాలు బాగా ఆకర్షించాయి. సీఎస్‌ఐఆర్‌ -ఐఐసీటీ హైదరాబాద్‌లో సీటు సంపాదించారు సీనియర్‌ శాస్త్రవేత్త డాక్టర్‌ ఎమ్‌. శ్రీధర్‌ రెడ్డి దగ్గర 2018లో జాయిన్‌ అయి నిర్విరామంగా రోడియం, పెల్లాడియం ఉత్ప్రేరకాలని ఉపయోగించి ఆల్కైన్‌ల ద్విచక్ర, పాలిచక్ర సమ్మేళనాల అభివృద్ధి గురించి వివిధ పద్ధతులని కనిపెట్టారు.
