ఒత్తిడి అనేది ఒక రకమైన మానసిక సమస్య. ఇది ఎన్నో అనారోగ్యాలకు దారితీస్తుంది. అలాగే మనుషుల్ని రోజురోజుకూ కుంగదీస్తూ ఉంటుంది. ఇందుకు మానసిక వేత్తలు ఐదు టిప్స్‌ చెబుతున్నారు. వాటిని పాటిస్తే… ఒత్తిడిని చాలా వరకూ జయించవచ్చని అంటున్నారు.
వ్యాయామం
వ్యాయామం అనేది… ఒత్తిడిని జయించేందుకు మొదటి అస్త్రంగా చెప్పుకోవచ్చు. వాకింగ్‌, రన్నింగ్‌, మెట్లు ఎక్కడం, దిగడం, పిల్లలతో ఆటలు, సైక్లింగ్‌, పెంపుడు జంతువులతో ఆటలు, ఇలా శరీరాన్ని కదిలించే చిన్న చిన్న ఎక్సర్‌సైజ్‌లు కూడా ఒత్తిడిని జయించేలా చెయ్యగలవు. ఇలా చేసినప్పుడు బాడీలో ఎండోర్ఫిన్స్‌ రిలీజ్‌ అవుతుంది. ఇది పాజిటివ్‌ ఫీలింగ్స్‌ని పెంచుతుంది.
పోషకాహారం
మంచి ఆహారం కూడా టెన్షన్‌ తగ్గిస్తుంది. బలమైన ఆహారం మన మెదడును చురుగ్గా మార్చుతుంది. శరీరం మొత్తం యాక్టివ్‌ అవుతుంది. ఎనర్జీ లెవెల్స్‌ పెరు గుతాయి. అందువల్ల అన్ని రకాల విటమిన్లు, మినరల్స్‌, పోషకాలు ఉన్న ఆహారం తీసుకోవాలి. బ్యాలెన్స్డ్‌ డైట్‌ వల్ల టెన్షన్‌ తగ్గుతుంది. బ్లడ్‌ షుగర్‌ లెవెల్స్‌ క్రమబద్ధీ కరించుకుంటూ ఉంటే టెన్షన్‌ చాలావరకూ తగ్గుతుంది.
బ్రేక్‌…
వరుసగా పనులు చేస్తూ ఉన్నా… ఒకే విషయాన్ని పదే పదే ఆలోచిస్తుంటే టెన్షన్‌ పెరుగుతుంది. అందు వల్ల దష్టిని మరల్చుకోవాలి. పనిలో కాస్త బ్రేక్‌ తీసు కోవాలి. మిమ్మల్ని ఇబ్బంది పెట్టే వార్తల్ని మరీ ఎక్కువగా చూడవద్దు. పాజిటివ్‌ ఆలోచనలు పెంచుకోవాలి. పజిల్స్‌ ఆడాలి, బోర్డ్‌ గేమ్స్‌ ఆడాలి. సరదాగా ప్రకతిలో తిరగాలి. ఏదైనా వేరే ప్రాజెక్టును చేపట్టి… సరదాగా దాన్ని పూర్తి చేస్తూ ఉండాలి. ఓ కొత్త పుస్తకం చదవాలి. ఇలా నచ్చినది కాసేపు చేయడం ద్వారా రెగ్యులర్‌ పని నుంచి బ్రేక్‌ తీసుకొని టెన్షన్‌ తగ్గించుకోవచ్చు.
ఫీలింగ్స్‌…
మనం మనుషులం. ఒంటరిగా బతకలేం. అందువల్ల వీలైనప్పుడల్లా అందరితో కనెక్ట్‌ అయ్యేందుకు ప్రయత్నిం చాలి. ఫ్రెండ్స్‌తో మాట్లాడాలి. అభిప్రాయాలు షేర్‌ చేసుకోవాలి. సమస్యల్ని చెప్పుకోవడం ద్వారా సాంత్వన లభిస్తుంది. ఒంటరిగా లేకుండా ప్రకతిని గమనించాలి. పక్షులు, జంతువులను చూడాలి. స్వచ్ఛమైన గాలిని పీల్చాలి. ఒకే గదిలో చీకటిలో ఉండకూడదు. ఫ్రీ టైమ్‌ కొంత మిగుల్చుకొని కొలీగ్స్‌తో చాటింగ్‌ చెయ్యాలి. ఇలాంటి పనుల ద్వారా మానసికంగా బెటర్‌ ఫీల్‌ కలుగుతుంది.
సరిపడినంత నిద్ర
ఒత్తిడికి అనేక కారణాల్లో ఒకటి నిద్ర లేమి. చాలా మంది రోజుకు ఐదు గంటలు కూడా పడుకోరు. సైకాలజిస్టుల ప్రకారం… మనం రోజుకు కనీసం ఆరు నుండి ఎనిమిది గంటలు పడుకోవాలి. అలాగే… విశ్రాంతి కూడా తీసుకోవాలి. యంత్రాల్లో పనిచేయడం వల్ల ఆరోగ్యం చెడిపోతుంది. మంచి నిద్ర వల్ల శరీరంలో అన్ని అవయవాలూ తిరిగి ఎనర్జీ లెవెల్స్‌ పెంచు కుంటాయి. బ్రెయిన్‌ బాగా పనిచేసి పాజిటివ్‌ ఆలో చనలు పెరుగుతాయి. ఈ ఐదు సూత్రాలూ పాటిం చడం ద్వారా… ఒత్తిడిని చాలా వరకూ తగ్గించుకోవచ్చు.
