మహిళలకు ఉచిత  టైలరింగ్(కుట్టు మిషన్), బ్యూటీపార్లర్ శిక్షణ ప్రారంభం. 

నవతెలంగాణ -డిచ్ పల్లి
ఎస్బిఐ గ్రామీణ స్వయం ఉపాధి శిక్షణా సంస్థ (అర్ఎస్ఈటిఐ) డిచ్ పల్లి ఆద్వర్యంలో 19 నుండి టైలరింగ్ (కుట్టుమిషన్), బ్యూటీ పార్లర్ 30 రోజుల శిక్షణ ప్రారంభం కానున్నట్లు సంస్థ డైరెక్టర్ శ్రీనివాస్ సోమవారం ఒక ప్రకటనలో తెలిపారు. ఉచిత శిక్షణ తో పాటుగా ఉచిత భోజన సదుపాయం, హాస్టల్ వసతి కల్పించాడం జరుగుతుందని వివరించారు. శిక్షణ కాలంలో నేర్చుకోవడానికి కావాల్సిన మెటీరియల్, బుక్స్, యూనిఫామ్ అందజేస్తామని, శిక్షణ లో వ్యాపార అభివృద్ధికి వ్యక్తిత్వ వికాసం సంబందించిన తరగతులు కూడా నిర్వహించాడం జరుగుతుందని తెలిపారు. శిక్షణ అనంతరం ధ్రువీకరణ పత్రంను అందజేస్తామని వివరించారు. శిక్షణకు కావాల్సిన అర్హతలు  19 నుండి 45 సంవత్సరాల వయసు కలిగి ఉండి నిజామాబాద్,  కామారెడ్డి జిల్లాలకు చెందిన గ్రామీణ యువతులు ఈ చక్కని అవకాశాన్ని సద్వినియోగం చేసుకోగలని సంస్థ డైరెక్టర్ శ్రీనివాస్ తెలిపారు.వచ్చె వారు తమ వెంట ఆధార్ కార్డ్, రేషన్ కార్డ్,10 వ తరగతి  ధ్రువీకరణ పత్రం, ఐదు ఫోటోలు తెచ్చుకొని రిజిస్ట్రేషన్ చేసుకోవలని పేర్కొన్నారు. ఏదైనా సమాచారం కోసం ఎస్‌బి‌ఐ శిక్షణా కేంద్రం వెలుగు ఆఫీసు ప్రక్కన ఘన్ పూర్  రోడ్ డిచ్ పల్లి లో ఉదయం 10 గంటల నుండి సాయంత్రం 5 గంటల వరకు  08461 222428, 08461 295428 ఫోన్ నంబర్ లలో సంప్రదించన్నారు.