హీరో శ్రీవిష్ణు ‘సామజవరగమన’తో హిలేరియస్‌ ఎంటర్‌ టైమెంట్‌ అందించడానికి సిద్ధంగా ఉన్నారు. ‘వివాహ భోజనంబు’ ఫేమ్‌ రామ్‌ అబ్బరాజు దర్శకత్వంలో హాస్య మూవీస్‌ బ్యానర్‌పై ఎకె ఎంటర్‌టైన్‌మెంట్స్‌తో కలిసి రాజేష్‌ దండా నిర్మిస్తున్నారు. ఈ చిత్ర టీజర్‌, ఇతర ప్రమోషనల్‌ స్టప్‌ స్ట్రాంగ్‌ బజ్‌ని క్రియేట్‌ చేసి క్యురియాసిటీ పెంచాయి. అనిల్‌ సుంకర సమర్పిస్తున్న ఈ చిత్రంలో శ్రీవిష్ణు సరసన రెబా మోనికా జాన్‌ కథానాయికగా నటిస్తోంది.
తాజాగా ఈ చిత్రం నుంచి ‘హోలా రే హోలా’ అనే పాటని విడుదల చేశారు మేకర్స్‌. గోపీ సుందర్‌ ఈ పాటని క్యాచీ బీట్స్‌తో ఆకట్టుకునే మెలోడీలా కంపోజ్‌ చేశారు. జెవి సుధాన్షు, సోనీ కొమందూరి పాడిన ఈ పాటకు శ్రీమణి అందించిన లిరిక్స్‌ మళ్ళీ మళ్ళీ వినాలనిపించేలా ఉన్నాయి. ఈ పాటలో లీడ్‌ పెయిర్‌ కెమిస్ట్రీ ప్లజెంట్‌గా ఉంది. అలాగే పాటలో విజువల్స్‌ గ్రాండ్‌గా ఉన్నాయి. ఈనెల 29న ఈ చిత్రం ప్రపంచవ్యాప్తంగా థియేటర్లలో విడుదల కానుంది అని చిత్ర బృందం తెలిపింది.
నరేష్‌, సుదర్శన్‌, శ్రీకాంత్‌ అయ్యంగార్‌, వెన్నెల కిషోర్‌, రఘు బాబు, రాజీవ్‌ కనకాల, దేవి ప్రసాద్‌, ప్రియ తదితరులు నటిస్తున్న ఈ చిత్రానికి సహ నిర్మాత – బాలాజీ గుత్తా, కథ – భాను బోగవరపు, డైలాగ్స్‌ – నందు సవిరిగాన, సంగీత దర్శకుడు – గోపీ సుందర్‌, సినిమాటోగ్రాఫర్‌ – రాంరెడ్డి, ఎడిటర్‌ – ఛోటా కె ప్రసాద్‌, ఆర్ట్‌ డైరెక్టర్‌ -బ్రహ్మ కడలి.
