చిరంజీవి లేటెస్ట్‌గా నటిస్తున్న యాక్షన్‌ ఎంటర్‌టైనర్‌ ‘భోళా శంకర్‌’. ఈ సినిమా కోసం ఓ పాట చిత్రీకరణ జరుగుతుండగా ఒక వీడియోను చిరంజీవి లీక్‌ చేసిన సంగతి విదితమే. ఆ పాట మేకింగ్‌లోని గ్రాండ్‌నెస్‌ చూసి అభిమానులు చాలా థ్రిల్‌ అయ్యారు. దర్శకుడు మెహర్‌ రమేష్‌ ప్రతి విషయంలోనూ చాలా జాగ్రత్తలు తీసుకుంటుంటే, నిర్మాత రామబ్రహ్మం సుంకర భారీ కాన్వాస్‌లో ఈ చిత్రాన్ని నిర్మిస్తున్నారు. మంగళవారం మేకర్స్‌ ఆ వీడియోలో లీక్‌ అయిన పాట ‘జామ్‌ జామ్‌ జజ్జనక’ను విడుదల చేశారు. ఇది ‘భోళా శంకర్‌’ గ్రాండ్‌ సెలబ్రేషన్‌ సాంగ్‌. మహతి స్వర సాగర్‌ పార్టీ, సెలబ్రేషన్‌ వైబ్‌లను కలిగి ఉన్న ఈ పాటని అత్యద్భుతంగా స్వరపరిచారు. అనురాగ్‌ కులకర్ణి, మంగ్లీ అద్భుతంగా ఆలపించారు. కాసర్ల శ్యామ్‌ మాస్‌ని ఆకట్టుకునే లిరిక్స్‌ అందించారు. మధ్యలో పాపులర్‌ ఫోక్‌ నెంబర్‌ నర్సపల్లెని మిక్స్‌ చేయడంతో పార్టీ వైబ్‌ మరొక స్థాయికి వెళ్ళింది. చిరంజీవి డాన్స్‌ మూమెంట్స్‌ మెస్మరైజింగ్‌గా ఉన్నాయి. పాటలో లైవ్లీగా కనిపించారు. శేఖర్‌ మాస్టర్‌ కొరియోగ్రఫీ అందించిన ఈ పాటలో చిరంజీవితో పాటు తమన్నా, కీర్తి సురేష్‌, సుశాంత్‌ మెరవబోతున్నారు. సంగీత్‌, ఇతర వేడుకలకు ఈ పాట ఫస్ట్‌ ఛాయిస్‌గా నిలవడం ఖాయం. ఆగస్టు 11న ప్రపంచ వ్యాప్తంగా ఈ చిత్రాన్ని ప్రేక్షకుల ముందుకు తీసుకొచ్చేందుకు మేకర్స్‌ సన్నాహాలు చేస్తున్నారు అని చిత్ర యూనిట్‌ తెలిపింది.
ఈ చిత్రానికి డీవోపీ: డడ్లీ, ఎడిటర్‌: మార్తాండ్‌ కె వెంకటేష్‌, ప్రొడక్షన్‌ డిజైనర్‌: ఏఎస్‌ ప్రకాష్‌, కథా పర్యవేక్షణ: సత్యానంద్‌, డైలాగ్స్‌: తిరుపతి మామిడాల, ఫైట్‌ మాస్టర్స్‌: రామ్‌-లక్ష్మణ్‌, దిలీప్‌ సుబ్బరాయన్‌, కాచే కంపాక్డీ, కొరియోగ్రఫీ: శేఖర్‌ మాస్టర్‌, లిరిక్స్‌: రామజోగయ్య శాస్త్రి, కాసర్ల శ్యామ్‌, శ్రీమణి, సిరాశ్రీ.
