అముద శ్రీనివాస్‌ హీరోగా, స్వీయ దర్శకత్వంలో రూపొందించిన చిత్రం ‘నా.. నీ ప్రేమ కథ’. కారుణ్య చౌదరి కథానాయిక. పోత్నాక్‌ శ్రవణ్‌ కుమార్‌ ఎంటర్‌ టైన్‌ మెంట్స్‌ పతాకంపై పోత్నాక్‌ శ్రవణ్‌ కుమార్‌ నిర్మిస్తున్నారు. ఇటివలే విడుదలైన ఈ చిత్ర టీజర్‌కు మంచి రెస్పాన్స్‌ వచ్చింది. తాజాగా తెలంగాణ సినిమాటోగ్రఫీ మంత్రి తలసాని శ్రీనివాస్‌ యాదవ్‌ ఈ చిత్ర ట్రైలర్‌ని లాంచ్‌ చేశారు.ఈ సందర్భంగా ఆయన మాట్లాడుతూ, ‘ట్రైలర్‌ అద్భుతంగా ఉంది. హీరోగా, దర్శకునిగా అముద శ్రీనివాస్‌ మంచి ప్రతిభని కనబరిచారు. ఈ ట్రైలర్‌ చూస్తుంటే సినిమా ఖచ్చితంగా పెద్ద విజయం సాధిస్తుందని నమ్మకముంది. నటీనటులు అంతా బాగా చేశారు. ఈ చిత్ర నిర్మాత పోత్నాక్‌ శ్రవణ్‌కు మంచి లాభాలు రావాలి. హీరో, దర్శకుడు అముద శ్రీనివాస్‌ మంచి అవకాశాలు అందుకోవాలి’ అని తెలిపారు.
‘అందర్నీ మెప్పించే ప్రేమకథ ఇది. రొటీన్‌కి భిన్నంగా ఉండదు’ అని దర్శకుడు, హీరో అముద శ్రీనివాస్‌ అన్నారు.రమ్య, అజరు ఘోష్‌, షఫీ, అన్నపూర్ణమ్మ, ఫిష్‌ వెంకట్‌ జబర్‌ దస్త్‌ ఫణి, నాగిరెడ్డి. బస్‌ స్టాప్‌ కోటేశ్వర రావు, మాధవి, వేములూరి రాజశేఖర్‌, హరి తదితరులు నటిస్తున్న ఈచిత్రానికి డివోపీ: ఎంఎస్‌ కిరణ్‌ కుమార్‌, సంగీతం : ఎంఎల్‌ పి రాజా, ఆర్‌ఆర్‌ :చిన్నా, ఎడిటర్‌ : నందమూరి హరి.
