నవతెలంగాణ- కంటేశ్వర్
తెలంగాణ రాష్ట్ర అదనపు డి.జి.పి మహిళా భద్రతా విభాగం షికా గోయల్, ఐ.పి.యస్., డి.ఐ.జి సుమతి, ఐ.పి.యస్., సూచనల మేరకు నిజామాబాద్ ఇంచార్జీ పోలీస్ కమీషనర్ సి.హెచ్. ప్రవీణ్ కుమార్, ఐ.పి.ఎస్. ఆదేశాల మేరకు మంగళవారం ఆపరేషన్ ముస్కాన్ 9 సమీక్ష సమావేశం కార్యక్రమం పోలీస్ ఇంటిగ్రేటెడ్ కమాండ్ కంట్రోల్ల్ యందు వివిధ శాఖల ద్వారానిజామాబాద్ అదనపు డి.సి.పి (అడ్మిన్) జి. మధుసుదన్ రావ్ నిర్వహించడం జరిగింది.ఈ సందర్భంగా అదనపు డి.సి.పి (అడ్మిన్) మాట్లాడుతూ.. నిజామాబాద్ పోలీస్ కమీషనరే టు పరిధిలో ఆపరేషన్ ముస్కాన్ 9 కార్యక్రమం తేది: 01-07-2023 నుండి తేది: 31-07-2023. వరకు నిజామాబాద్ పోలీస్ కమిషనరేటు పరిధిలోని నిజామాబాద్, ఆర్మూర్, బోధన్ డివిజన్ పరిధిలో 18 సంవత్సరాల లోపు తప్పిపోయిన / వదిలివేయబడిన కార్మికులుగా ఉన్న బాలబాలికలు ఉన్నట్లయితే అలాంటి వారి సమాచారం సేకరించి రక్షించి వారి తల్లిదండ్రులకు అప్పగించాలని, బలవంతంగా బిక్షాటన చేయించిన వారిపై వెట్టి చాకిరిచేయించిన వారిపై తగిన క్రిమినల్ కేసులు నమోదు చేసి తగినచర్యలు తీసుకునే విదంగా ప్రత్యేకంగా డివిజన్ పరిధిలో ఒక ఎస్.ఐ నలుగురు సిబ్బందిని నియమించడం జరుగుతుందని అన్నారు. ఇందు కోసం ప్రజలు తప్పిపోయిన బాలురు, బాలికలు ఉన్నట్లయితే అలాంటి వారి సమాచారం మరియు బాలకార్మికుల గురించిన సమాచారం ఉన్నట్లయితే ఈదిగువ తెలియజేయబడిన ఫోన్ నెంబర్లకుసమాచారం అందించగలరు. డయల్ 100, స్పెషల్ బ్రాంచ్ కంట్రోల్ రూమ్ సెల్ నెంబర్ 87126-59777,నిజామాబాద్ ఇంచార్జి ఎస్.ఐ : 80965-73004,ఆర్మూర్ ఇంచార్జి ఎస్.ఐ : 94401-40022.
బోధన్ ఇంచార్జి ఎస్.ఐ : 94412-50992 ఫోన్ చేసి సమాచారం అందించగలరు.సమాచారం ఇచ్చిన వారి వివరాలు గోప్యంగా ఉంచబడును అని తెలిపారు. ఈ సమావేశంలో స్పెషల్ బ్రాంచ్ ఇన్స్పెక్టర్ శ్రీశైలం, సి.సి.ఆర్.బి ఇన్స్పెక్టర్ మోహన్, యాంటి హ్యూమన్ ట్రాఫికింగ్ యూనిట్ ఇన్స్పెక్టర్ గోపినాధ్ జిల్లా లేబర్ ఆఫీసర్ యోహాన్, జిల్లా సంక్షేమ అధికారి రసూల్ భీ, చైల్డ్ వెల్ఫేర్ కమిటి చైర్ పర్సన్ సంపూర్ణ, జిల్లా బాలల పరిరక్షణ అధికారి శ్రీ చైతన్య, బాల రక్ష భవన్ కో-ఆర్డినేటర్ విజయలక్ష్మీ. నిజామాబాద్ ఇంచార్జీ మహిళా ఆర్.ఎస్.ఐ స్రవంతి, ఆర్మూర్ ఇంచార్జీ ఎస్.ఐ ఇంద్రకరణ్ రెడ్డి, బోధన్ ఇంచార్జీ ఎస్.ఐ. వెంకటయ్య రైల్వే ఎ.ఎస్.ఐ సురేంధర్ సింగ్ తదితరులు పాల్గొన్నారు.
