నవ తెలంగాణ-ఆర్మూర్: పట్టణంలోని మినీ స్టేడియం నందు జిల్లా స్కూల్ గేమ్స్ ఫెడరేషన్ ప్రధాన కార్యదర్శి సంగీతరావు ఆధ్వర్యంలో 67వ ఎస్ జి ఎఫ్ జిల్లా యు 17 హాకీ బాలుర క్రీడాకారులు ఎంపికలు శుక్రవారం నిర్వహించడం జరిగింది. ఈ ఎంపికలకు నిజామాబాద్ జిల్లా వివిధ పాఠశాలల నుండి క్రీడాకారులు పాల్గొనడం జరిగింది. ఎంపికైన క్రీడాకారులు త్వరలో నిర్వహించే కామారెడ్డి నిజామాబాద్ ఉమ్మడి జిల్లాల సెలక్షన్స్ కు పాల్గొనడం జరుగుతుంది. ఈ ఎంపిక కార్యక్రమానికి జిల్లా ఎస్ జి ఎఫ కార్యదర్శి సంగీతరావు జిల్లా వ్యాయామ ఉపాధ్యాయ సంఘం అధ్యక్షులు టీ.విద్యాసాగర్ రెడ్డి హాజరై క్రీడాకారులను పరిచయం చేసుకొని ఎంపికలను ప్రారంభించడం జరిగింది. క్రీడాకారులను ఉద్దేశించి మాట్లాడుతూ నిజాంబాద్ జిల్లా ప్రతి సంవత్సరము రాష్ట్రస్థాయి క్రీడా పోటీల్లో పాల్గొని ప్రథమ స్థానంలో నిలవడం జరుగుతుంది ఈ సంవత్సరం కూడా మన జిల్లాను ప్రథమ స్థానంలో నిలపాలని జిల్లాకు పేరు తీసుకురావాలని తెలపడం జరిగింది. ఈ కార్యక్రమంలో జిల్లా హాకీ సంఘం ప్రధాన కార్యదర్శి సదమస్తుల రమణ, కోశాధికారి సురేందర్, హాకీ సంఘ సభ్యులు చిన్నయ్య, నాగేష్, వ్యాయామ ఉపాధ్యాయులు రాజేష్ శ్రీకాంత్ రిటైర్డ్ వ్యాయామ ఉపాధ్యాయులు హైదర్ అలీ తదితరులు పాల్గొన్నారు.
