నవతెలంగాణ -తాడ్వాయి ఇటీవల విస్తారంగా కురిసిన వర్షాలకు జంపన్న వాగు వరద వృద్ధికి తీవ్రంగా నష్టపోయిన ఊరటం గ్రామపంచాయతీ పరిధిలోని కొత్తూరులో బుధవారం ప్రజా సేవకులు భూక్యా దేవ్ సింగ్ పర్యటించి పరిశీలించారు. మిస్సయిలైన 45 మంది వరద బాధితులకు దుప్పట్ల ను అందజేశారు. ఈ సందర్భంగా ప్రజా సేవకుడు దేవ్ సింగ్ మాట్లాడుతూ వరదలకు తీవ్రంగా నష్టపోయిన కుటుంబాలకు ప్రభుత్వం వెంటనే ఆదుకోవాలని అన్నారు. బాధిత ప్రాంతాల్లో అంటువ్యాధులు ప్రబలకుండా శానిటషన్ నిర్వహించాలన్నారు. ములుగు నియోజకవర్గంలో ఈ వరదల ఉధృతి వలన చనిపోయిన ప్రతి వ్యక్తికి ప్రభుత్వం వెంటనే 25 లక్షల ఎక్స్ గ్రేషియా ఇవ్వాలని, ఇలాంటి పరిస్థితులు రానున్న కాలంలో పునరావృతం కాకుండా శాశ్వతమైన పరిష్కారం కోసం ప్రభుత్వం ప్రణాళికలు రూపొందించుకోవాలని అన్నారు. ఈ కార్యక్రమంలో గజ్జల సమ్మక్క, రాణి, చిన్నదుర్గయ్య, పొలెబోయిన సరస్వతి, భూలక్షీ,దేవేందర్, నగ్మ, ఆదిలక్ష్మి, విజయ, అనుష తదితరులు పాల్గొన్నారు.
