సెలబ్రిటీ క్రికెట్‌ కార్నివాల్‌ సీజన్‌ 1ని టీసీఏ ఫిబ్రవరిలో నిర్వహించారు. అది పెద్ద సక్సెస్‌ అవడంతో తాజాగా సీజన్‌ 2 కోసం సన్నాహాలు చేస్తున్నారు. ద రాయల్‌ చిల్డ్రన్స్‌ హాస్పిటల్‌ మెల్బోర్న్‌ ఛారిటీ కోసం తెలుగు సినీ సెలబ్రిటీస్‌ ఈ క్రికెట్‌ మ్యాచ్‌ ఆడబోతున్నారు. ఈ సెలబ్రిటీ క్రికెట్‌ కార్నివాల్‌ సీజన్‌2కి సంబంధించిన సాఫ్ట్‌ పోస్టర్‌ లాంచ్‌ కార్యక్రమం ఘనంగా జరిగింది. ఈ వేడుకలో ఫౌండర్‌ సాయికష్ణ, హీరోలు శ్రీకాంత్‌, తరుణ్‌, అశ్విన్‌ బాబు, సుశాంత్‌, ఆది సాయికుమార్‌, సామ్రాట్‌, మ్యూజిక్‌ డైరెక్టర్‌ తమన్‌, ఆర్టిస్ట్‌ భూపాల్‌, ఓంకార్‌ తదితరులు పాల్గొన్నారు. ఈ సందర్భంగా హీరో శ్రీకాంత్‌ మాట్లాడుతూ, ‘టిసిఏని 2006లో స్థాపించారు. సెలబ్రిటీ క్రికెట్‌ కార్నివాల్‌ ద్వారా క్రికెట్‌ మ్యాచ్‌ ఆర్గనైజ్‌ చేసి ఛారిటీ ద్వారా సహాయం అందిస్తున్న సాయి కష్ణకి మా అందరి తరపున అభినందనలు. చాలా దేశాల్లో క్రికెట్‌ మ్యాచ్‌లు జరిగాయి. ఈ సంవత్సరం ఫిబ్రవరిలో సీజన్‌ 1 ఆడాం. ఒకే సంవత్సరంలో రెండు సీజన్లు నిర్వహించడం అనేది అంత ఈజీ కాదు. సీజన్‌ 1 పెద్ద సక్సెస్‌ అవ్వడం వల్ల నవంబర్‌లో సీజన్‌ 2 నిర్వహిస్తున్నారు. సాయికృష్ణకు సినిమా అనుభవం కూడా ఉంది. ఇంతమంది సెలబ్రిటీస్‌ని తీసుకెళ్లి ఆస్ట్రేలియాలో క్రికెట్‌ మ్యాచ్‌ ఆడించడం అంత ఈజీ కాదు. అలాంటిది సీజన్‌ 2 నిర్వహిస్తున్నారు. నవంబర్‌ 15, 16న జరిగే ఈ ఈవెంట్‌ సక్సెస్‌ అవ్వాలని కోరుకుంటున్నాను’ అని తెలిపారు. ‘ఫిబ్రవరిలో సీజన్‌ 1 నిర్వహించాం. హీరోలు శ్రీకాంత్‌, తరుణ్‌ ముందు నుంచి ఎంతో సపోర్ట్‌ ఇస్తున్నారు. వీరంతా ఎంతో బిజీగా ఉన్నా ఛారిటీ కోసం వచ్చి క్రికెట్‌ ఆడి సపోర్ట్‌ చేస్తున్నందుకు కతజ్ఞతలు తెలియజేస్తున్నాను’ అని సెలబ్రిటీ క్రికెట్‌ కార్నివాల్‌ ఫౌండర్‌ సాయికష్ణ చెప్పారు.
