– మంత్రిపై లైంగిక వేధింపుల ఆరోపణలు చేసిన ఫలితం
చండీఘడ్ : లైంగిక వేధింపులకు పాల్పడ్డారంటూ హర్యానా మంత్రి సందీప్ సింగ్పై ఆరోపణలు చేసిన మహిళా జూనియర్ అథ్లెటిక్ కోచ్పై సస్పెన్షన్ వేటు పడింది. ఆమెను సస్పెండ్ చేస్తున్నట్లు రాష్ట్ర క్రీడా శాఖ డైరెక్టర్ యషేంద్ర సింగ్ ఈ నెల 11న ఉత్తర్వులు జారీ చేశారు. పంచకుల జిల్లా క్రీడా అధికారి కార్యాలయంలో విధులు నిర్వహిస్తున్న జూనియర్ అథ్లెటిక్ కోచ్ను సస్పెండ్ చేశామని, ఈ ఆదేశాలు తక్షణమే అమలులోకి వస్తాయని ఆ ఉత్తర్వులలో వివరిం చారు. అయితే సస్పెన్షన్కు కారణాల ను అందులో తెలియజేయలేదు. వెంబడించడం, అక్రమంగా నిర్బంధిం చడం, లైంగిక వేధింపులు, భయ పెట్టడం వంటి ఆరోపణలకు సంబం ధించి సందీప్ సింగ్పై గత సంవత్స రం డిసెంబర్లో కోచ్ ఫిర్యాదు చేశారు. తన సస్పెన్షన్పై మహిళా కోచ్ స్పందిస్తూ ‘అవును. నన్ను సస్పెండ్ చేశారు. కేసును ఉపసంహ రించుకొని రాజీ చేసుకోవాలని నాపై బాగా ఒత్తిడి వచ్చింది. నన్ను ఎందుకు సస్పెండ్ చేశారో చెప్పలేదు. ఈ చర్యను ఎందుకు తీసుకున్నారో నాకు తెలియదు. నాపై ఒత్తిడి తెచ్చేందుకే ప్రభుత్వం మరోసారి ఈ ప్రయత్నం చేసింది. కానీ నేను తలవంచను’ అని స్పష్టం చేశారు. ఆమె సోమవారం విధులకు హాజరైనప్పటికీ సాయంత్రం ఇంటి వద్ద సస్పెన్షన్ ఉత్తర్వులు అందజేశారు. ఎఫ్ఐఆర్ నమోదైన వారం రోజుల తర్వాత మంత్రిని క్రీడ, యువజన వ్యవహారాల శాఖ నుండి తప్పించారు. అయితే ఆయన ఇప్పటికీ ప్రింటింగ్, స్టేషనరీ శాఖ మంత్రిగా కొనసాగుతూనే ఉన్నారు. మాజీ ఒలింపియన్ అయిన సింగ్ గతంలో జాతీయ హాకీ జట్టుకు నేతృత్వం వహించారు. తనపై వచ్చిన ఆరోపణలను ఆయన తోసిపుచ్చారు. రాష్ట్ర ముఖ్యమంత్రి మనోహర్ లాల్ ఖట్టర్ సైతం మంత్రికి వత్తాసు పలికారు. ఆరోపణలు వచ్చినంత మాత్రాన తప్పు చేసినట్లు కాదని చెప్పుకొచ్చారు.