రైలు ప్రమాదంలో మరణించిన వారిని కేంద్ర రాష్ట్ర ప్రభుత్వాలు ఆదుకోవాలి

నవతెలంగాణ – కంఠేశ్వర్
ఒరిస్సా రాష్ట్రంలో జరిగిన రైలు ప్రమాదంలో మరణించిన వారి కుటుంబాలను కేంద్ర రాష్ట్ర ప్రభుత్వాలు ఆదుకోవాలని టిపిసిసి ఉపాధ్యక్షులు తాహేర్ బిన్ హందాన్ కోరారు. ఈ మేరకు పిసిసి ఉపాధ్యక్షులు తాహేర్ బిన్ హందన్ తెలంగాణ రాష్ట్ర అవతరణ దినోత్సవ వేడుకలు పురస్కరించుకొని కాంగ్రెస్ భవన్ లో శనివారం విలేకరుల సమావేశం నిర్వహించారు.  ఈ సందర్భంగా తాహేర్ బిన్ హందన్ మాట్లాడుతూ.. ఒరిస్సా రాష్ట్రంలో జరిగిన రైల్ ప్రమాదంలో మరణించిన వారి కుటుంబాలకు సానుభూతి తెలియజేస్తు,ఆ కుటుంబాలను కేంద్ర రాష్ట్ర ప్రభుత్వాలు ఆదుకోవాలని ఆయన కోరారు. సోనియా గాంధీ 4కోట్ల మంది తెలంగాణ ప్రజల ఆకాంక్షను నెరవేరుస్తూ తెలంగాణ రాష్ట్రాన్ని ఇచ్చారని,అందుకు సోనియా గాంధీ కి కృతజ్ఞతలు తెలియజేస్తూ, జిల్లా ప్రజలకు రాష్ట్ర అవతరణ దినోత్సవ శుభాకాంక్షలు తెలియజేస్తూ జిల్లాలో ఫ్లెక్సీలు ఏర్పాటు చేశామని,కానీ రాష్ట్ర ప్రభుత్వం కేవలం వారి ఫ్లెక్సీలు ఉండాలని, కాంగ్రెస్ పార్టీ ఏర్పాటు చేసిన ఫ్లెక్సీలు తీసివేశారని, తెలంగాణ రాష్ట్రం ఏర్పాటు కావడానికి 1200 మంది అమరులు అయ్యారని,60 సంవత్సరాల పోరాటమని ,దానిని చూసిన సోనియా గాంధీ గారు తెలంగాణ ఇస్తే వారికి కృతజ్ఞతగా ఏర్పాటు చేసిన ఫ్లెక్సీలు తిసివేయటం సరైనది కాదని ఆయన అన్నారు. ఏ లక్ష్యం కోసమైతే తెలంగాణ రాష్ట్రాన్ని తెచ్చుకున్నమో దానిని అమలు చేయడంలో రాష్ట్ర ప్రభుత్వం విఫలం అయ్యిందని ఆయన అన్నారు. అదేవిదంగా బోధన్ ఎమ్మెల్యే షకీల్ మా నాయకులు రేవంత్ రెడ్డి గారిపై చేసిన అనుచిత వ్యాఖ్యలను కాంగ్రెస్ పార్టీ ఖందిస్తుందని,ఒక శాసన సభ్యుడు ప్రజల సమస్యలు తెలుసుకొని తీర్చాలని కానీ మీడియాలో కనపడాలని మాట్లాడవద్దని, వర్షాలతో రైతులు నష్టపోతే పట్టించుకోలేదని, షుగర్ ఫ్యాక్టరీ తెరిపించలేదని, ప్రజలు కష్టాలు అనుభవిస్తే పట్టించుకోకుండా ఇప్పుడు కాంగ్రెస్ నాయకులపై అనుచిత వ్యాఖ్యలు చేయడం సరైనది కాదని ఆయన అన్నారు.తెలంగాణ రాష్ట్ర అవతరణ ఉస్తావలు జరుపుకునే బాధ్యత అందరికంటే ఎక్కువగా కాంగ్రెస్ పార్టీకే వుందని ఆయన అన్నారు.ఈ కార్యక్రమంలో రాష్ట్ర యూత్ కాంగ్రెస్ ఉపాధ్యక్షులు రామర్థి గోపి,రాష్ట్ర ఎన్ ఎస్ ఏ ప్రధాన కార్యదర్శి విపుల్ గౌడ్, జిల్లా ఎన్ ఎస్ యు ఐ అద్యక్షులు వేణు రాజ్, జిల్లా ఓబీసీ అధ్యక్షులు నరేందర్ గౌడ్, బ్లాక్ కాంగ్రెస్ అధ్యక్షులు అబుద్ బిన్ హందన్, ప్రసాద్, ఆశ్రఫ్ పాల్గొన్నారు.

Related posts:

నిజామాబాద్ నగర సుందరీకరణనే నా లక్ష్యం నిజామాబాద్ జిల్లాలో మండల కాంగ్రెస్ అధ్యక్షుల నియామకం బీసీ సంఘ సర్వసభ్య సమావేశం.. నగరంలోని వెజిటేబుల్ మార్కెట్ ను సందర్శించిన మాజీ మేయర్ ధర్మపురి సంజయ్ కాంగ్రెస్ పార్టీ ఆధ్వర్యంలో నరేంద్ర మోడీ దిష్టిబొమ్మ దాహనం కాంగ్రెస్ పార్టీ ఆధ్వర్యంలో మాజీ మంత్రి సుదర్శన్ రెడ్డి జన్మదిన వేడుకలు