మలయాళ హీరో పథ్వీరాజ్‌ సుకుమారన్‌ నటిస్తున్న కొత్త సినిమా ‘ది గోట్‌ లైఫ్‌’ (ఆడు జీవితం). హాలీవుడ్‌ యాక్టర్‌ జిమ్మీ జీన్‌ లూయిస్‌, అమలాపాల్‌, కేఆర్‌ గోకుల్‌, అరబ్‌ ఫేమస్‌ యాక్టర్స్‌ తాలిబ్‌ అల్‌ బలూషి, రిక్‌ ఆబే ఇతర కీలక పాత్రల్లో నటిస్తున్నారు. బెన్యామిన్‌ రాసిన ‘గోట్‌ డేస్‌’ నవల ఆధారంగా ఈ సినిమాను డైరెక్టర్‌ బ్లెస్సీ రూపొందించారు.
విజువల్‌ రొమాన్స్‌ బ్యానర్‌ ఈ సినిమాను మలయాళ చిత్ర పరిశ్రమలో ప్రెస్టీజియస్‌ ప్రాజెక్ట్‌గా భారీ బడ్జెట్‌తో నిర్మించింది. ఏప్రిల్‌ 10న ఈ సినిమా పాన్‌ ఇండియా స్థాయిలో మలయాళంతో పాటు హిందీ, తెలుగు, తమిళ, కన్నడ భాషల్లో రిలీజ్‌ కానుంది. ఈ నేపథ్యంలో బుధవారం ఈ సినిమా నుంచి పథ్వీరాజ్‌ సుకుమారన్‌ ఫస్ట్‌ లుక్‌ పోస్టర్‌ను హీరో ప్రభాస్‌ రిలీజ్‌ చేసి, తన స్నేహితుడు పథ్వీరాజ్‌ సుకుమారన్‌కు, మూవీ టీమ్‌కు ఆయన బెస్ట్‌ విషెస్‌ తెలియజేశారు. ఈ సందర్భంగా పథ్వీరాజ్‌ సుకుమారన్‌ మాట్లాడుతూ, ‘నా ఫ్రెండ్‌ ప్రభాస్‌ చేతుల మీదుగా ఫస్ట్‌ లుక్‌ పోస్టర్‌ రిలీజ్‌ చేసుకోవడం హ్యాపీగా ఉంది. ఈ ప్రాజెక్ట్‌ ఒప్పుకున్నప్పుడే ఈ సినిమా కోసం ఎంత కష్టపడాల్సి వస్తుంది అనేది నాకు తెలుసు. ఐదేళ్లు ఈ సినిమా కోసం కేటాయించాను. మానసికంగా, శారీరకంగా నజీబ్‌ క్యారెక్టర్‌లా మారిపోయాను. ఎన్నో సవాళ్లు ఎదుర్కొని ఈ మూవీ కోసం రాజీ లేకుండా కష్టపడ్డాను. ఈ సినిమాకు పనిచేస్తున్నప్పుడు మేము ఎంతగా ఎంజారు చేశామో, రేపు థియేటర్స్‌లోనూ ప్రేక్షకులు కూడా అంతే హ్యాపీగా ఫీలవుతారు’ అని చెప్పారు. 90వ దశకంలో జీవనోపాధి వెతుక్కుంటూ కేరళను వదిలి విదేశాలకు వలస వెళ్లిన నజీబ్‌ అనే యువకుడి జీవిత కథను వాస్తవ ఘటనల ఆధారంగా ఇందులో చూపించబోతున్నారు. ఇది పూర్తిస్థాయిలో ఎడారిలో రూపొందుతున్న తొలి భారతీయ సినిమా కావడం విశేషం.
