న్యూఢిల్లీ : హిళలను ఈడీ కార్యాలయానికి పిలిపించి విచారించడాన్ని సవాల్‌ చేస్తూ బీఆర్‌ఎస్‌ నాయకురాలు, ఎమ్మెల్సీ కల్వకుంట్ల కవిత దాఖలు చేసిన పిటిషన్‌ను సుప్రీంకోర్టు పరిగణనలోకి తీసుకుంది. ఈ పిటిషన్‌ను విచారించిన జస్టిస్‌ సంజయ్ కిషన్‌ కౌర్‌ ధర్మాసనం దానిపై విచారణ జరపాలని నిర్ణయించింది. కవిత దాఖలు చేసిన పిటిషన్‌పై ఆరు వారాల్లో కౌంటర్‌ దాఖలు చేయాలని ఈడీని ఆదేశించింది. ఆ తర్వాత రెండు వారాల్లో రిజాయిండర్‌ దాఖలు చేయాలని కవితకు సూచించింది. మహిళలను దర్యాఫ్తు సంస్థల ఆఫీసుల్లో ఎలా విచారిస్తారని కవిత పిటిషన్‌ దాఖలు చేసిన విషయం తెలిసిందే. ఈ పిటిషన్‌పై కవిత తరఫున సీనియర్‌ న్యాయవాదులు కపిల్‌ సిబాల్‌, ముకుల్‌ రోహిత్గీ వాదనలు వినిపించారు. విచారణకు తెలంగాణ ప్రభుత్వం తరఫున అదనపు అడ్వోకేట్‌ జనరల్‌ జే రామచంద్ర రావు హాజరయ్యారు.
