అచ్చంపేటను అన్ని రంగాల్లో అభివృద్ధి చేసి చూపిస్తాం..

నవతెలంగాణ- అచ్చంపేట : కాంగ్రెస్ పార్టీకి ఒక్క అవకాశం ఇవ్వండి అచ్చంపేట నియోజకవర్గాన్ని అన్ని రంగాల్లో అభివృద్ధి చేసి చూపిస్తాం అని అమ్రాబాద్ జడ్పిటిసి సభ్యురాలు డాక్టర్ అనురాధ అన్నారు.  శుక్రవారం మండల పరిధిలోని  చౌటపల్లి, గుంపన్ పల్లి  గ్రామాల్లో కాంగ్రెస్ ఇంటింటా ప్రచార కార్యక్రమంలో పాల్గొన్నారు.  కాంగ్రెస్ పార్టీ ఎమ్మెల్యే అభ్యర్థి డాక్టర్ చిక్కుడు వంశీకృష్ణ కు మీ యొక్క అమూల్యమైన ఓటు వేసి గెలిపించాలని ఓటర్లను విజ్ఞప్తి చేశారు. ఈ  సందర్భంగా డాక్టర్ అనురాధ గారు మాట్లాడుతూ.. వచ్చే ఎన్నికల్లో కాంగ్రెస్ పార్టీ అధికారంలోకి రాగానే ఆరు గ్యారెంటీ పథకాలతో మహిళలకు ఉచిత బస్సు సౌకర్యం, రైతులకు రెండు లక్షల రుణమాఫీ, 500 కు సిలిండర్, ప్రతి రైతుకు ఎకరానికి ₹7500 చొప్పున రెండు విడతలుగా 15000 రూపాయలు,  అలాగే మహిళలకు ప్రతి మహిళకు 2500 చొప్పున ప్రతినెల చెల్లిస్తుందన్నారు. గృహజ్యోతి పథకం కింద ప్రతి కుటుంబానికి రెండు వందల యూనిట్ ఉచిత విద్యుత్తు, ఇలాగే పెద్ద ఎత్తున రైతులకు మహిళలకు మేలు చేకూర్చే విధంగా కాంగ్రెస్ పార్టీ పథకాలు ఉంటాయి, కాబట్టి ప్రజలందరూ కాంగ్రెస్ పార్టీకి ఓటు వేసి గెలిపించాలని విజ్ఞప్తి చేశారు.