– బ్యాంక్‌ ఉద్యోగుల తొలి కర్తవ్యం అదే..
– లక్ష్యాలు కాదు : ఆర్బీఐ డిప్యూటీ గవర్నర్‌ వెల్లడి
ముంబయి : ఖాతాదారుల ఆర్థిక అవసరాలను తీర్చడమే బ్యాంక్‌ ఉద్యోగుల ప్రాథమిక బాధ్యత అని ఆర్బీఐ డిప్యూటీ గవర్నర్‌ స్వామినాథన్‌ జె అన్నారు. ఆ తర్వాతే లక్ష్యాలపై దృష్టి సారించాలన్నారు. ఖాతాదారుల ఫిర్యాదులపై మంగళవారం ప్రధాన బ్యాంక్‌ల ఉన్నతాధికారులతో స్వామి నాథన్‌ మాట్లాడుతూ.. ఉత్పత్తి అను కూలతపై బ్యాంక్‌లు ఓ విధానాన్ని కలిగి ఉండాలని సూచించారు. ‘బ్యాంకులు వాణిజ్య సంస్థలు అయినందున లక్ష్యంతో నడపబడటం లో తప్పు లేదు. కానీ.. ఖాతాదారుల ఆర్థిక అవసరాలను తీర్చడమే తమ ప్రాథమిక బాధ్యత అని ఉద్యోగులు అర్థం చేసుకోవాలి. కేవలం అమ్మకాలు చేయడం కంటే నాణ్యమైన ఆర్థిక సలహాలు, సేవలను అందించినం దుకు ఉద్యోగులకు రివార్డ్‌లు ఇచ్చే స్పష్టమైన, పారదర్శక ప్రోత్సాహక నిర్మాణం ఉండాలి. ఇందుకోసం ప్రతీ ఆర్థిక సంస్థ ఒక ప్రత్యేక విధానాన్ని కలిగి ఉండాలి.ఫిన్‌టెక్‌ భాగస్వామ్యం తో ఏదైనా ఉత్పత్తి లేదా సేవను అందించినప్పుడల్లా బ్యాంకులు తగిన పర్యవేక్షణ కలిగి ఉండాలి. బ్యాంకులు ఫిన్‌టెక్‌ని ఒక అవకాశంగా చూడాలి తప్పా ముప్పుగా భావించకూడదు.” అని స్వామినాథన్‌ అన్నారు.
సమస్య లు, పిర్యాధుల పరిష్కారంలో బ్యాంక్‌ లు విఫలమైతే.. లేదా నిజాలను దాచి పెడితే ఆర్బీఐ కఠిన చర్యలు తీసు కుంటుందని ఆయన హెచ్చరించారు. ఫిర్యాదు మూలకారణాన్ని పరిష్కరిం చడం, ఫిర్యాదులను బాధ్యతాయుతం గా నిర్వహించడం, సైబర్‌ క్రైమ్‌ను ఎదుర్కోవడం వంటి కీలక రంగాలపై బ్యాంకులు దృష్టి సారించాల్సిన అవస రం ఉందని స్వామినాథన్‌ అన్నారు ఉద్యోగులు దురుసుగా ప్రవర్తించ కుండా జాగ్రత్త వహించాలన్నారు.
