‘ఎంత కష్టపడ్డా లాభం లేదు. ఎంత సంపాదించినా వృథానే. సంపాదించినదంతా ఖర్చయిపోతుంది. ఒక్క రూపాయి కూడా మిగలట్లేదు. జీతం అకౌంట్లో పడగానే వారం రోజులు కూడా ఉండట్లేదు’ చాలామంది నోటి నుండి ఇలాంటి మాటలే వింటుంటాం. మీరూ ఇలాగే తరచూ బాధపడుతుం టారా? అయితే మీ ఫైనాన్షియల్‌ ప్లానింగ్‌ సరిగ్గా లేనట్టే…
డబ్బు సంపాదించడమే కాదు… సంపాదించిన డబ్బును జాగ్రత్తగా ఖర్చు చేయడం, పొదుపు చేయడం కూడా ఓ కళే. ఇక యువత అయితే క్రెడిట్‌ కార్డులు విచ్చల విడిగా వాడేస్తుంటారు. ఆన్‌లైన్‌ షాపింగ్‌ను వ్యస నంగా మార్చుకొని పర్సు ఖాళీ చేసుకుంటారు. ఇక పొదుపు చేయడానికి డబ్బులేం మిగులుతాయి. కానీ డబ్బు ఎంత ఆదా చేస్తే అంత మంచిది. భవిష్యత్‌లో ఇలాంటి విపత్కర పరిస్థి తులు వచ్చినా ఇప్పుడు ఆదా చేసిన డబ్బే ఆదు కుంటుంది అన్న విష యం మర్చిపోవద్దు. అందుకే డబ్బు ఆదా చేయడానికి కొన్ని టిప్స్‌ ఫాలో అవ్వండి.
ఖర్చుల విశ్లేషణ
మీరు డబ్బు పొదుపు చేయడానికి రెండు మార్గాలు. ఒకటి ఎక్కువ సంపాదించడం. రెండు తక్కువ ఖర్చు చేయడం. ఇప్పుడు సంపాదిస్తున్న దాని కన్నా ఇంకా ఎక్కువ సంపాదించడం అంత సులువైన విషయమేమీ కాదు. అందుకే ఖర్చులు తగ్గించుకునే మార్గాలు చూడాలి. దీని కోసం ముందు గత ఆరు నెలల్లో మీ ఖర్చులను విశ్లేషించాలి. క్రెడిట్‌, డెబిట్‌ కార్డులతో ఎక్కువగా ఖర్చులు చేసేవారికి ఈ టెక్నిక్‌ బాగా ఉపయోగపడుతుంది. ఆరు నెలల స్టేట్‌మెంట్స్‌ తీసి విశ్లేషించొచ్చు. వృథాగా ఏమేం ఖర్చులు చేశారో ఓ లిస్ట్‌ రాసుకోవాలి. ఇకపై మళ్లీ అలాంటి అనవసర ఖర్చులు చేయాల్సి వచ్చినప్పుడు మీ విశ్లేషణ ఉపయోగపడుతుంది. మనం చేసే ఖర్చు అవసరమా? లేదా? అని ఆలోచించుకోవచ్చు. అనవసరం అనిపిస్తే ఖర్చు చేయకపోవడం చాలా మంచిది. ఉదాహరణకు… మీరు ఓ రెండు కిలోమీటర్ల దూరం కోసం క్యాబ్‌ బుక్‌ చేసి ఉంటారు. ఇంకోసారి అదే పరిస్థితి వస్తే… ఆ రెండు కిలోమీటర్లు నడిచి డబ్బు ఆదా చేయొచ్చు. నడక ఆరోగ్యానికి మంచిదేగా. ఇలాంటి చిన్నచిన్న పొదుపు చిట్కాలే డబ్బును ఆదా చేస్తాయి. ప్రతీ రూపాయి ముఖ్యమే. మీరు వంద రూపాయలు ఖర్చు చేయకుండా పొదుపు చేశారంటే ఆ డబ్బు సంపాదనతో సమానం అని గుర్తుపెట్టుకోండి.
ఎవరికి వారే టాక్స్‌ ఫిక్స్‌ చేసుకోవాలి
మీ జీతంపై మీరే పర్సనల్‌ ట్యాక్స్‌ ఫిక్స్‌ చేయండి. డబ్బు పొదుపు చేయడానికి ఇది కూడా ఓ మార్గం. ఐదు లేదా పది శాతం ట్యాక్స్‌ ఫిక్స్‌ చేయండి. ఉదాహరణకు మీ జీతం ఇరవైఐదు వేలు అయితే అందులో పది శాతం అంటే రూ.2,500. ఆ డబ్బును రికరింగ్‌ డిపాజిట్‌ లేదా మ్యూచు వల్‌ ఫండ్స్‌లో ఇన్వెస్ట్‌ చేయండి. దాంతో మీకు కనీసం 6-8 శాతం రిటర్న్స్‌ ఖాయం. డబ్బును అకౌంట్లో భద్రపరిస్తే మీకేం రాదు. దాని కన్నా ఇన్వెస్ట్‌ చేయడమే మంచిది.
ఆటో డెబిట్‌ ఆప్షన్‌…
ఏదైనా లోన్‌ తీసుకున్నా, సిస్టమేటిక్‌ ఇన్వెస్ట్‌ మెంట్‌ ప్లాన్‌లో ఇన్వెస్ట్‌ చేసినా ఆటో డెబిట్‌ ఆప్షన్‌ ఉంటుంది. అందుకే మీరు చేసే ఇన్వెస్ట్‌మెంట్లలో ఈ ఆప్షన్‌ తప్పకుండా ఎంచుకోవాలి. ఇలా చేయడం వల్ల తర్వాత కట్టొచ్చు అనే ఆలోచన ఉండదు. ఆన్‌ టైమ్‌లో కట్‌ అవుతాయి. నెలవారీ బడ్జెట్‌కి ఒక లెక్క క్లియర్‌గా ఉంటుంది.
అదనపు ఆదాయం…
ఉద్యోగం చేస్తుంటే జీతం వస్తుంది. వ్యాపారం చేస్తే లాభం వస్తుంది. కానీ ఒకే ఆదాయంపై ఆధార పడటం మంచిది కాదు. ఎందుకంటే ఉద్యోగంలో ఇబ్బందులు రావొచ్చు. వ్యాపారంలో నష్టాలు రావొచ్చు. ఇలాంటి పరిస్థితుల్లో మిమ్మల్ని ఆదుకునేది మీ అదనపు ఆదాయమే. అందుకే మీరు ఎంత మంచి ఉద్యోగంలో, వ్యాపారంలో స్థిరపడ్డా సరే రెండో ఆదాయాన్ని ప్లాన్‌ చేసుకోవాల్సిందే. తక్కువ ఆదాయం అయినా సరే రెండో ఇన్‌కమ్‌ ప్లాన్‌ చేయాలి. వారంలో కొన్ని గంటలు పనిచేస్తే ఎంతో కొంత అందించే చిన్నచిన్న ఉద్యోగాలు చాలానే ఉంటాయి.
సేవ్‌ విత్‌ షేర్‌…
అవును షేర్‌ చేయడం ద్వారా సేవ్‌ చేయొచ్చు. ఉదాహరణకు మీ దగ్గర అమెజాన్‌ ప్రైమ్‌ అకౌంట్‌ ఉంటుంది. మీ కజిన్‌ దగ్గర నెట్‌ఫ్లిక్స్‌ అకౌంట్‌ ఉం టుంది. సో… మీరు నెట్‌ఫ్లిక్స్‌ తీసుకోవాల్సిన అవ సరం లేదు. మీ కజిన్‌కు అమెజాన్‌ ప్రైమ్‌ అవసరం లేదు. ఒకటి అకౌంట్‌ మరొకరు షేర్‌ చేసుకుంటే చాలు. ఇదే కాదు.. మీరు ఇంట్లో ఎప్పుడో వాడే వస్తు వులను కొనాల్సిన అవసరం లేదు. మీ స్నేహితులో, బంధువుల దగ్గరో ఉంటే తెచ్చుకోవచ్చు. మీ దగ్గర ఉన్న వస్తువులు వారికి అవసరమైనప్పుడు ఇవ్వొచ్చు. ఇక ఏదైనా సందర్భం వస్తే మీ కొలీగ్స్‌ లేదా స్నేహితులకు పార్టీ ఇవ్వాలా? హోటల్‌కు వెళ్తే వేలకు వేలు ఖర్చవుతుంది. స్నేహితులకైతే మీ ఇంట్లోనే పార్టీ అరేంజ్‌ చేయండి. ఇల్లంతా సెలబ్రేషన్‌ వాతావరణం కనిపిస్తుంది. కొలీగ్స్‌కు అయితే ఇంట్లోనే వంట చేసుకొని ఆఫీస్‌కు తీసుకెళ్లండి. ఇక క్యాబ్‌ బుక్‌ చేయాలనుకుంటే షేరింగ్‌ ఫీచర్‌ వాడుకోవచ్చు.
ఇవే కాదు… మీకు డబ్బు ఆదా చేయాలని బలంగా ఉండాలే కాని చాలా మార్గాలు ఉంటాయి. ఖర్చులు తగ్గించుకొని పొదుపు చేయాలన్న ఆలోచన మీలో ఉంటే చాలు. ప్రతీ చోటా పొదుపు చేయొచ్చు.
