నితిన్‌ కథానాయకుడిగా వక్కంతం దర్శకత్వంలో శ్రేష్ఠ్‌ మూవీస్‌, ఆదిత్య మూవీస్‌ అండ్‌ ఎంటర్‌టైన్‌మెంట్స్‌, రుచిర ఎంటర్‌టైన్‌మెంట్స్‌ బ్యానర్స్‌పై సుధాకర్‌ రెడ్డి, నికితా రెడ్డి నిర్మిస్తున్న అవుట్‌ అండ్‌ అవుట్‌ ఎంటర్‌టైనర్‌ ‘ఎక్స్‌ట్రా ఆర్డినరీ మ్యాన్‌’. డిసెంబర్‌ 8న రిలీజ్‌ అవుతున్న ఈ సినిమా ట్రైలర్‌ను సోమవారం విడుదల చేశారు. ఈ సందర్భంగా జరిగిన ప్రెస్‌మీట్‌లో నిర్మాత ఎన్‌.సుధాకర్‌ రెడ్డి మాట్లాడుతూ, ‘మా సినిమా ట్రైలర్‌ రిలీజ్‌ ఈవెంట్‌కి మమ్మల్ని సపోర్ట్‌ చేయటానికి వచ్చిన అభిమానులు, ప్రేక్షకులకు థ్యాంక్స్‌. ఇప్పుడు సినిమా గురించి ఏం మాట్లాడను. రిలీజ్‌ తర్వాత మాట్లాడుతాను’ అని అన్నారు.
‘ట్రైలర్‌ అందరికీ నచ్చే ఉంటుంది. ఈ అవుట్‌పుట్‌ ఇవ్వటానికి నేను, నితిన్‌ రెండేళ్లు కష్టపడ్డాం. నిజానికి కష్టపడ్డామని చెప్పకూడదు. ఎందుకంటే అది మా బాధ్యత. అందరినీ ఎంటర్‌టైన్‌ చేయాలనేది మా లక్ష్యం. అందరి సపోర్ట్‌ కావాలి. ట్రైలర్‌ కంటే పదిమింతలు మించి సినిమా ఉంటుంది’ అని డైరెక్టర్‌ వక్కంతం వంశీ చెప్పారు.
హీరో నితిన్‌ మాట్లాడుతూ, ‘నటుడిగా నా 21 ఏళ్ల కెరీర్‌లో ఇది నా 32వ సినిమా. నేను చేసిన బెస్ట్‌ క్యారెక్టరైజేషన్‌ మూవీస్‌లో ఇది నెంబర్‌ వన్‌ అవుతుంది. వక్కంతం వంశీ రాసిన ‘కిక్‌, రేసుగుర్రం, టెంపర్‌’ సినిమాలన్నీ బావుంటాయి. వాటిన్నంటికీ తగ్గకుండా ఈ మూవీ ఉంటుంది. డిసెంబర్‌ 8న మూవీ రిలీజ్‌ అవుతుంది. ప్రేక్షకులను ఎంటర్‌టైన్‌ చేయటమే ఈ మూవీ గోల్‌. నాన్‌ స్టాప్‌గా అందరినీ నవ్విస్తాం. స్క్రీన్‌ ప్లే కూడా కొత్తగా ఉంటుంది. మంచి కథ, పాటలు కూడా ఉంటాయి. అలాగే మంచి డాన్స్‌ కూడా ఉంటుంది. బాగా డాన్స్‌ చేసి చాలా కాలమవుతుంది. ఈ మూవీలో లాస్ట్‌ సాంగ్‌ మీ అందరినీ అలరిస్తుందని నమ్ముతున్నాను. డిసెంబర్‌ 8న హిట్‌ కొట్టబొతున్నాం. ఇది కన్‌ఫర్మ్‌.. రాసి పెట్టుకోండి’ అని తెలిపారు.
