నితిన్‌, శ్రీలీల హీరో, హీరోయిన్లుగా రూపొందుతున్న సినిమా ‘ఎక్స్‌ట్రా ఆర్టినరీ మేన్‌’. రైటర్‌ – డైరెక్టర్‌ వక్కంతం వంశీ తెరకెక్కిస్తున్నారు. ప్రస్తుతం సినిమా షూటింగ్‌ శరవేగంగా జరుగుతోంది. ఈ సినిమా నుంచి సెకండ్‌ సాంగ్‌ ‘బ్రష్‌ వేసుకో..’ అనే లిరికల్‌ పాటను మేకర్స్‌ శుక్రవారం విడుదల చేశారు. దీనికి సిఎంఆర్‌ కాలేజ్‌ వేదికగా మారింది. పాటను వింటుంటే చాలా హామ్మింగ్‌గా ఉంటుంది. ఫుట్‌ ట్యాపింగ్‌ మ్యూజిక్‌తో హేరిష్‌ జైరాజ్‌ అందించిన ఈ పాటను రామజోగయ్య శాస్త్రి రాశారు. సంజిత్‌ హెగ్డే పాడారు. కచ్చితంగా చార్ట్‌ బస్టర్‌లో ఈ పాట సెన్సేషన్‌ క్రియేట్‌ చేస్తుందనిపించేలా మ్యూజిక్‌ అందరినీ ఆకట్టుకుంటోంది. ఇప్పటికే ఈ సినిమా నుంచి ‘డేంజర్‌ పిల్ల…’ సాంగ్‌ ఎంత పెద్ద హిట్‌ అయ్యిందో అందరికీ తెలిసిందే. ఆ పాటను అర్మాన్‌ మాలిక్‌ పాడారు. అలాగే రీసెంట్‌గా విడుదలైన టీజర్‌.. అందులో యూనిక్‌గా ఉన్న నితిన్‌ క్యారక్టరైజేషన్‌, మూవీ కాన్సెప్ట్‌ అందరినీ మెప్పించింది. నితిన్‌ ఈ చిత్రంలో జూనియర్‌ ఆర్టిస్ట్‌ క్యారెక్టర్‌లో కనిపించనున్నారు.ఈ చిత్రాన్ని ప్రపంచ వ్యాప్తంగా డిసెంబర్‌ 8న వరల్డ్‌ వైడ్‌గా గ్రాండ్‌ రిలీజ్‌ చేస్తున్నారు. శ్రేష్ఠ్‌ మూవీస్‌, ఆదిత్యమూవీస్‌ అండ్‌ ఎంటర్‌ టైన్‌మెంట్స్‌, రుచిర ఎంటర్‌టైన్‌మెంట్స్‌ బ్యానర్స్‌పై సుధాకర్‌ రెడ్డి, నికితా రెడ్డి ఈ మూవీని నిర్మిస్తున్నారు.
