విజరు దేవరకొండ, సమంత కలిసి నటిస్తున్న చిత్రం ‘ఖుషి’. లవ్‌స్టోరీ, ఎమోషనల్‌ స్టోరీలను తీయడంలో దర్శకుడు శివ నిర్వాణ మార్క్‌ ఎలా ఉంటుందో అందరికీ తెలిసిందే. మరోసారి ఆయన తన మ్యాజిక్‌ చూపించేందుకు రెడీగా ఉన్నాడు. మైత్రీ మూవీ మేకర్స్‌ నిర్మిస్తోన్న ఈ చిత్రానికి సంబంధించిన తాజా అప్డేట్‌ ఇప్పుడు అందరినీ ఆకట్టుకుంటోంది.
ఈ చిత్రం నుంచి ‘ఆరాధ్య..’ అనే సాంగ్‌ను రిలీజ్‌ చేయబోతున్నట్టుగా ప్రకటిస్తూ మేకర్లు ఓ పోస్టర్‌ను రిలీజ్‌ చేశారు. ఇందులో సమంత, విజరులు ఎంతో కూల్‌గా కనిపిస్తున్నారు. ఈ పాట ప్రోమోను సోమవారం, పాటను బుధవారం విడుదల చేసేందుకు మేకర్స్‌ సన్నాహాలు చేస్తున్నారు.
ఇప్పటికే ‘నా రోజా నువ్వే’ అనే పాట యూట్యూబ్‌లో సెన్సేషన్‌గా మారింది. వంద మిలియన్లకు చేరువలో ఉంది. ఇప్పుడు ఈ సెకండ్‌ సింగిల్‌ ‘ఆరాధ్య’తో మరోసారి ‘ఖుషి’ సినిమా ట్రెండ్‌ అవ్వడం ఖాయం. చార్ట్‌ బస్టర్‌ లిస్ట్‌లో ‘ఆరాధ్య’ పాట కూడా చేరనుంది. తెలుగుతో పాటు తమిళం, మలయాళం, కన్నడ, హిందీ భాషల్లో ఈ సినిమాను విడుదల చేయబోతోన్నారు. సెప్టెంబర్‌ 1న ఈ సినిమా ప్రపంచ వ్యాప్తంగా రిలీజ్‌ కానుంది.
