She bought train ticket for her goat as well and proudly tells this to the TTE.
Look at her smile. Awesome.❤️ pic.twitter.com/gqFqOAdheq
— Awanish Sharan 🇮🇳 (@AwanishSharan) September 6, 2023
నవతెలంగాణ – హైదరాబాద్: మేకకు కూడా రైలు టిక్కెట్టు కొని తన నిజాయతీ చాటుకున్న ఓ గ్రామీణ మహిళ వీడియో ప్రస్తుతం నెట్టింట్లో వైరల్‌గా మారింది. పశ్చిమ బెంగాల్‌లో ఈ ఘటన జరిగినట్టుగా తెలుస్తోంది. అవనీశ్ శరణ్‌ అనే ప్రభుత్వాధికారి ఈ వీడియోను ‘ఎక్స్’ సోషల్ మీడియా వేదికలో షేర్ చేశారు. టికెట్టు చెకింగ్ కోసం వచ్చిన టీటీఈ మహిళను చూసి టిక్కెట్ ఉందా? అని అడిగారు. ఆమె పక్కనే ఉన్న మరో వ్యక్తి టీటీఈకి టిక్కెట్టు చూపించాడు. ఆ తరువాత మహిళ పక్కన ఓ మేక ఉండటం చూసిన ఆయన మేక కోసం టిక్కెట్టు కొన్నారా? అని అడిగారు. దీనికి అవునని నవ్వుతూ సమాధానమిచ్చిన మహిళ టిక్కెట్టు కూడా చూపించింది. ఈ సంవాదం నెట్టింట వైరల్‌గా మారింది. మేకకు కూడా టిక్కెట్టు కొని తన నిజాయతీని సగర్వంగా ప్రకటించుకుందని అనేక మంది వ్యాఖ్యానించారు. ఆమె నిజాయతీని వేనోళ్ల ప్రశంసించారు.
