నవతెలంగాణ – లిబియా: ఆఫ్రికా దేశం లిబియాలోని దెర్నా నగరాన్ని వరదలు ముంచెత్తుతున్నాయి. వరదల ధాటికి ఆ నగరంలో 2వేల మంది ప్రాణాలు కోల్పోయారు. వేలాది మంది గల్లంతయ్యారు. ఓ వార్తా సంస్థకు ఫోన్ ద్వారా ఇంటర్వ్యూ ఇచ్చిన ఆ దేశ ప్రధానమంత్రి ఒసామా హమద్ .. దెర్నాలోని అనేక ప్రాంతాలు వరదలో కొట్టుకుపోయాయని చెప్పారు. మధ్యధరా సముద్రంలో సంభవించిన డేనియల్ తుపాను.. లిబియాను అతలాకుతలం చేస్తోందని వాతావరణ శాఖ అధికారులు తెలిపారు. ఈ తుపాను ధాటికి ఇప్పటికే తూర్పు లిబియాలోని అనేక ప్రాంతాల్లో కల్లోలిత పరిస్థితులు నెలకొన్నాయని.. తీవ్రంగా ప్రభావితమైన నగరాల్లో దెర్నా సైతం ఉందని చెప్పారు. ఈ క్రమంలో ఆ ప్రాంతాన్ని డిజాస్టర్ జోన్గా ప్రకటించారు. దెర్నాలో వరద పెను విలయం సృష్టిస్తున్నట్లు స్థానిక మీడియో తెలిపింది. విద్యుత్ లేక ప్రజలు నానా ఇబ్బందులు పడుతున్నట్లు తెలిపింది. ఆహారం లేక ఆకలితో అలమటిస్తున్నట్లు వెల్లడించింది. దేశంలో మరికొన్ని రోజులపాటు భారీ వర్షాలు పడనున్నట్లు తెలిపింది. తూర్పు లిబియా ఆరోగ్యశాఖ మంత్రి ఒత్మాన్ అబ్లుల్ జలీల్ సోమవారం మధ్యాహ్నం ఏఎల్-అరేబియా న్యూస్ ఛానెల్కు టెలిఫోన్ ఇంటర్వ్యూలో మరణాల సంఖ్యను ప్రకటించారు. 50 మంది గల్లంతైనట్లు తెలిపారు. తాను చెప్పిన మరణాల సంఖ్యలో డెర్నా నగర మృతులను చేర్చలేదని చెప్పారు.
