నాని తాజాగా నటిస్తున్న ఫీల్‌ గుడ్‌ ఫ్యామిలీ ఎంటర్‌టైనర్‌ ‘హారు నాన్న’. వైర ఎంటర్‌టైన్‌మెంట్‌ మొదటి ప్రొడక్షన్‌ వెంచర్‌గా రూపొందిన ఈ చిత్రం ద్వారా శౌర్యువ్‌ దర్శకుడిగా పరిచయం అవుతున్నారు.
పాన్‌-ఇండియా స్థాయిలో తెరకెక్కిన ఈ సినిమాలో మణాల్‌ ఠాకూర్‌ హీరోయిన్‌గా నటిస్తుండగా, బేబీ కియారా ఖన్నా కీలక పాత్రలో కనిపించనుంది. మేకర్స్‌ మంగళవారం ఈ సినిమా ట్రైలర్‌కి సంబంధించిన అప్‌డేట్‌ని అందించారు. ఈనెల 24న ట్రైలర్‌ని లాంచ్‌ చేయనున్నారు. ట్రైలర్‌ పోస్టర్‌లో లీడ్‌ పెయిర్‌ – నాని, మణాల్‌ ఠాకూర్‌ అద్భుతమైన కెమిస్ట్రీతో ఆకట్టుకున్నారు. టీజర్‌, పాటలు ప్రామిస్‌ చేసినట్లుగా ఈ సినిమా ఎమోషన్స్‌తో కూడిన రోలర్‌కోస్టర్‌ రైడ్‌గా ఉండబోతోంది.
మోహన్‌ చెరుకూరి, డాక్టర్‌ విజయేందర్‌ రెడ్డి తీగల భారీ ఎత్తున నిర్మించిన ఈ చిత్రానికి హేషమ్‌ అబ్దుల్‌ వహాబ్‌ బ్లాక్‌ బస్టర్‌ ఆల్బమ్‌ అందించారు. ఇప్పటికే విడుదలైన పాటలు చార్ట్‌ బస్టర్‌ హిట్స్‌గా అలరిస్తున్నాయి.
ఈ చిత్రానికి సాను జాన్‌ వర్గీస్‌ సినిమాటోగ్రఫీ అందిస్తున్నారు. ఎడిటర్‌గా ప్రవీణ్‌ ఆంథోని, ప్రొడక్షన్‌ డిజైనర్‌ అవినాష్‌ కొల్లాగా పని చేస్తున్నారు. సతీష్‌ ఈవీవీ ఎగ్జిక్యూటివ్‌ నిర్మాత. డిసెంబర్‌ 7న తెలుగు, తమిళం, కన్నడ, మలయాళం, హిందీ భాషల్లో ఈ సినిమా గ్రాండ్‌గా విడుదల కానుంది అని చిత్ర బృందం తెలిపింది. ఈ చిత్రానికి దర్శకత్వం: శౌర్యువ్‌, డీవోపీ: సాను జాన్‌ వరుగుస్‌, సంగీతం: హేషమ్‌ అబ్దుల్‌ వహాబ్‌, ప్రొడక్షన్‌ డిజైనర్‌: అవినాష్‌ కొల్లా, ఎడిటర్‌: ప్రవీణ్‌ ఆంటోని, ఎగ్జిక్యూటివ్‌ ప్రొడ్యూసర్‌ – సతీష్‌ ఈవీవీ, కాస్ట్యూమ్‌ డిజైనర్‌: శీతల్‌ శర్మ.
