రవికాంత్‌ పేరేపు దర్శకత్వంలో రోషన్‌ కనకాల హీరోగా పరిచయం అవుతున్న చిత్రం ‘బబుల్‌గమ్‌’. ఈ చిత్ర మ్యూజికల్‌ ప్రమోషన్స్‌లో భాగంగా మేకర్స్‌ మూడవ సింగిల్‌ ‘జాను..’ పాటని విడుదల చేశారు. శ్రీచరణ్‌ పాకాల చాలా స్టైలిష్‌గా ఉండే మనసుని హత్తుకొనే మెలోడీని కంపోజ్‌ చేశారు. అనంత శ్రీరామ్‌ సాహిత్యం ప్రేమకథలోని బాధను, హీరో హార్ట్‌ బ్రేక్‌ ఎమోషన్‌ని అద్భుతంగా వర్ణిస్తుంది. లిరిక్స్‌లో చాల డెప్త్‌ ఉంది. పాట మళ్ళీ మళ్ళీ వినాలనిపించేలా ఉండటం విశేషం. ఈ అందమైన మాంటేజ్‌ సాంగ్‌ని జావేద్‌ అలీ పాడారు. పాటలో చక్కని ఎక్స్‌ప్రెషన్స్‌తో రోషన్‌ కనకాల మరోసారి ఆకట్టుకున్నాడు. మానస చౌదరి అతని ప్రేయసిగా అందర్నీ ఎట్రాక్ట్‌ చేస్తోంది. పాటలాగా విజువల్స్‌ కూడా ఆకట్టుకునేలా ఉన్నాయి. శ్రీచరణ్‌ పాకాల డిఫరెంట్‌ ట్రాక్‌లతో ఆల్బమ్‌ని స్కోర్‌ చేశాడు. మొదటి పాట పెప్పీ నెంబర్‌ అయితే, రెండవ పాట సెల్ఫ్‌ రెస్పెక్ట్‌ ర్యాప్‌. మూడో పాట మనసుని హత్తుకునే మెలోడీ.. అని చిత్ర బృందం తెలిపింది. ‘గరుడవేగ, తెల్లవారితే గురువారం, ఆకాశవాణి’ చిత్రాలకు పనిచేసిన సురేష్‌ రగుతు సినిమాటోగ్రాఫర్‌ కాగా, ‘తల్లుమల’ ఫేమ్‌ కేరళ స్టేట్‌ అవార్డ్‌ విన్నర్‌ నిషాద్‌ యూసుఫ్‌ ఎడిటర్‌గా పని చేస్తున్నారు. పీపుల్‌ మీడియా ఫ్యాక్టరీతో కలిసి మహేశ్వరి మూవీస్‌ నిర్మిస్తున్న ఈ సినిమా ఈనెల 29న ప్రపంచ వ్యాప్తంగా గ్రాండ్‌గా ప్రేక్షకుల ముందుకు రానుంది.
