ఏపీలో ఇంజినీరింగ్‌లో మూడో విడత కౌన్సెలింగ్‌ ఎత్తివేత

నవతెలంగాణ – అమరావతి: ఇంజినీరింగ్‌ సీట్ల భర్తీకి ఇప్పటి వరకు ఏటా మూడు విడతల కౌన్సెలింగ్‌ నిర్వహిస్తుండగా ఈ ఏడాది రెండింటితోనే ప్రభుత్వం సరిపెట్టింది. మూడో విడత కౌన్సెలింగ్‌ ఉంటుందని కొందరు విద్యార్థులు ఇప్పటి వరకు ఎదురు చూసినా తాజాగా ఉన్నత విద్యామండలి నేరుగా స్పాట్‌కు నోటిఫికేషన్‌ ఇచ్చింది. స్పాట్‌ కింద ప్రవేశాలు పొందే విద్యార్థులకు బోధన రుసుముల చెల్లింపు ఉండదు. అదే మూడో విడత కౌన్సెలింగ్‌ ద్వారా చేరితే ప్రభుత్వమే బోధన రుసుములను చెల్లించాల్సి ఉంటుంది. దీంతో కొందరు విద్యార్థులు ఆందోళనతో మంగళవారం ఉన్నత విద్యామండలి కార్యాలయానికి చేరుకుని ప్రత్యేక కౌన్సెలింగ్‌ చేపట్టాలని కోరారు. ఫీజుల డబ్బులను మిగుల్చుకునేందుకు ఒక విడత కౌన్సెలింగ్‌ను ప్రభుత్వం ఎత్తివేసిందని వారు విమర్శిస్తున్నారు. వెంటనే మూడో విడత కౌన్సెలింగ్‌ చేపట్టాలని డిమాండ్‌ చేస్తున్నారు. ఇప్పటికే స్పాట్‌ నోటిఫికేషన్‌ ఇచ్చినందున చాలా కళాశాలలు సీట్లను భర్తీ చేసుకుంటున్నాయి.

Related posts:

లంచం తీసుకుంటూ పట్టుబడ్డ మండవల్లి ఆర్‌ఐ మాజీ మంత్రి గంటా శ్రీనివాసరావు అరెస్ట్… చంద్రబాబు అరెస్ట్..వర్షంలోనే లోకేశ్ నిరసన నువ్వు తలకిందులుగా తపస్సు చేసినా బాబుపై అవినీతి మచ్చను వేయలేవు జగన్: లోకేశ్ ఏపీ వ్యాప్తంగా టీడీపీ నేతల గృహనిర్బంధం అప్పుడు వైఎస్సార్ చేసిన పని ఇప్పుడు జగన్ చేస్తున్నాడు: కొనకళ్ల నారాయణ