బ్లడ్‌ అండ్‌ చాక్లెట్‌ విజయం ఖాయం

డైరెక్టర్‌ శంకర్‌ ప్రొడక్షన్స్‌ ఎస్‌ పిక్చర్స్‌ పతాకంపై రూపొందిన ‘ప్రేమిస్తే, వైశాలి, షాపింగ్‌ మాల్‌’ లాంటి చిత్రాలన్నీ ఘన విజయం సాధించిన విషయం తెలిసిందే. అదే పంథాలో డైరెక్టర్‌ శంకర్‌ ప్రొడక్షన్‌లో మొదటిసారి సస్పెన్స్‌ థ్రిల్లర్‌గా ‘బ్లడ్‌ అండ్‌ చాక్లెట్‌ ‘ చిత్రాన్ని నిర్మించారు. వసంతబాలన్‌ దర్శకత్వంలో అర్జున్‌ దాస్‌ హీరోగా, దుశారా విజయన్‌ హీరోయిన్‌గా నటించారు. ఈ చిత్ర ఆడియో డైరెక్టర్‌ శంకర్‌ చేతుల మీదుగా రిలీజ్‌ అయ్యింది.
జి.వి.ప్రకాష్‌ కుమార్‌ అందించిన సంగీతం ప్రేక్షకులను విశేషంగా ఆకట్టుకుంటోంది.
ఈ సందర్భంగా డైరెక్టర్‌ శంకర్‌ మాట్లాడుతూ, ‘వసంతబాలన్‌ సెన్సిటివ్‌ సబ్జెక్ట్‌లను డీల్‌ చేస్తు ఉంటారు. ఈ సినిమా చూడగానే నాకు చాలా బాగా నచ్చింది. ఓ పక్క సెన్సిటివ్‌ కథాంశాన్ని టచ్‌ చేస్తూ ఓ వైపు లవ్‌, మరో వైపు సస్పెన్స్‌.. రెండింటికి సమ న్యాయం చేస్తూ అద్భుతంగా రూపొందించారు’ అని అన్నారు. ఈ చిత్రం తెలుగు, తమిళ భాషల్లో ఈనెల 21న విడుదలకానుంది. తెలుగులో ఎస్‌.ఆర్‌ డి.ఎస్‌ సంస్థ ఈ సినిమాని విడుదల చేయనుంది. సంగీత దర్శకుడు జీ.వి.ప్రకాష్‌కుమార్‌ నాలుగు అద్భుతమైన పాటలు అందించారు. ఆయన అందించిన నేపథ్య సంగీతం సినిమాకు హైలైట్‌గా నిలుస్తుందని దర్శకుడు వసంతబాలన్‌ చెప్పారు.