– సంతోషంగా ఉంది : మహాంకాళి శ్రీనివాస్‌రావు
నవతెలంగాణ బ్యూరో-హైదరాబాద్‌
వెబ్‌ 3 సాంకేతికత, ఆవిష్కరణలే లక్ష్యంగా టీ-హబ్‌తో బ్రాడ్‌ రిడ్జ్‌ ఒప్పందం చేసుకుంది. దేశంలోనే ప్రముఖ ఇన్నోవేషన్‌ ఎకోసిస్టమ్‌ సెంటర్‌, గ్లోబల్‌ ఫిన్‌టెక్‌ లీడర్‌ అయిన బ్రాడ్‌రిడ్జ్‌ ఒప్పందం ద్వారా తమ సహకారాన్ని ప్రకటించింది. దీంతో వ్యూహాత్మక భాగస్వామ్యం, కార్పొరేట్లు, స్టార్టప్‌లు, విద్యాసంస్థలు, విస్తృత వెబ్‌ 3 కమ్యూనిటీ మధ్య సహకారాలు, భాగస్వామ్యాలను బలోపేతం చేయడం లక్ష్యంగా పెట్టుకున్నట్టు ఇరు సంస్థలు వెల్లడించాయి. వికేంద్రీకత వెబ్‌ ల్యాండ్‌స్కేప్‌లో ఆవిష్కరణ, వృద్ధిని ముందుకుతీసుకుపోవడంతో ఉమ్మడి ప్రయత్నాలే కీలకం కానున్నాయి. వెబ్‌ 3 టెక్నాలజీలతో కార్పొరేట్‌ల నైపుణ్యం, అనుభవం, వనరులను ఉపయోగించుకునేలా స్టార్టప్‌లను శక్తివంతం చేస్తుంది. ఈ సందర్బంగా టీ-హబ్‌ సీఈఓ మహంకాళి శ్రీనివాస్‌రావు మాట్లాడుతూ, ‘ప్రఖ్యాత గ్లోబల్‌ పవర్‌హౌస్‌ అయిన బ్రాడ్‌ రిడ్జ్‌తో చేతులు కలపడం మాకు గౌరవంగా ఉంది. ఈ రెండు సంస్థలు కలిసి వెబ్‌ 3 సాంకేతికత అపరిమితమైన సామర్థ్యాన్ని ఆసక్తిగా స్వీకరిస్తాం. మా స్టార్టప్‌లకు వారి ఆలోచనలను అపూర్వమైన ఎత్తులకు పెంచడానికి వినూత్న సాధనాలతో సాధికారత కల్పిస్తాం’ అని అన్నారు.
బ్రాడ్‌రిడ్జ్‌ చీఫ్‌ స్ట్రాటజీ ఆఫీసర్‌ జర్మన్‌ సోటో సాంచెజ్‌ ‘వెబ్‌ 3 స్టార్టప్‌లకు మద్దతు ఇచ్చే బలమైన యాక్సిలరేషన్‌ ప్రోగ్రామ్‌లను రూపొందించడంలో నిరూపితమైన ట్రాక్‌ రికార్డ్‌ ఉన్న ప్రపంచంలోనే అతిపెద్ద ఇంక్యుబేటర్‌ టీి-హబ్‌తో సహకరించడానికి మేము సంతోషిస్తున్నాం. వినూత్న స్టార్టప్‌లతో కలిసి పనిచేయడానికి, పర్యావరణ వ్యవస్థ వృద్ధికి సహాయపడటానికి ఇది మాకు గొప్ప అవకాశం. ఈ సహకారం ఆవిష్కరణలో ముందంజలో ఉండటానికి, మా కస్టమర్‌లకు సాధ్యమైనంత ఉత్తమమైన పరిష్కారాలను అందించడంలో మాకు సహాయపడుతుందని నమ్ముతున్నాం. వెబ్‌ 3 ప్రాముఖ్యతను, పరిశ్రమలను మార్చడానికి, వ్యాపారాలకు కొత్త అవకాశాలను సష్టించే సామర్థ్యాన్ని మేము గుర్తించాం’ అని అన్నారు.
