– ఆరు గ్యారెంటీలను ఇస్తుంది కాంగ్రెస్
నవ తెలంగాణ:మల్హర్ రావు:
కాంగ్రెస్ అధికారంలోకి వస్తుందని, ఆరు గ్యారంటీలను అమలు చేస్తోందని మండల ఎంపిపి చింతలపల్లి మలహల్ రావు, మండల కాంగ్రెస్ పార్టీ అధ్యక్షుడు బడితేల రాజయ్య ఆశాభావం వ్యక్తం చేశారు. శనివారం గడపగడపకు ఆరు గ్యారంటీ కార్డులు పంపిణీ చేశారు.ముందుగా వేంకటేశ్వర ఆలయంలో మంథని ఎమ్మెల్యేగా దుద్దిళ్ల శ్రీదర్ బాబు భారీ మెజార్టీతో గెలువాలని ప్రత్యేక పూజలు నిర్వహించారు.ప్రచారం నిర్వహిస్తున్న క్రమంలో ప్రజలు మాట్లాడారు ఆనాడు కాంగ్రెస్ హయాంలో కట్టించిన ఇందిరమ్మ ఇండ్లలోని ఉన్నాము కేసిఆర్ ఒక్క ఇల్లు కూడా కట్టియలేదని తెలిపారు. కాంగ్రెస్ పార్టీ నాయకులు ఆనాడు కాంగ్రెస్ పార్టీ అధికారంలో ఉన్నప్పుడు కట్టిన ప్రాజెక్టులకు ఎలాంటి సమస్యలు రాలేదని, కానీ ఐదేళ్ల కిందట కెసిఆర్ మానస పుత్రిక కాలేశ్వరం ప్రాజెక్టు పిల్లర్లు కుంగిపోవడం టిఆర్ఎస్ పార్టీ నిర్లక్ష్యపు పాలనకు నిదర్శనమన్నారు.మంథని నియోజకవర్గంలో దళిత బందుకు దరఖాస్తు చేసుకున్నా లబ్ధిదారుల నుండి డబ్బులు వసూలు చేయడమే తప్ప వారికి దళిత బందు ఏ ఒక్కరికి ఇవ్వలేదని ఆరోపించారు. ఇచ్చిన డబ్బులకు మిత్తి కట్టలేక కుటుంబ సమస్యలతో తలెత్తి వారి జీవితం అగమ్య గోచరంగా మారిందన్నారు. బీసీలకు బిసి బంధువు అని చెప్పి అందులో అన్ని కులాల వారికి ప్రాతినిధ్యం లేకుండా కేవలం కొన్ని కులాల వారిని ఇచ్చి మిగతా కులాల వారిని కించపరిచారన్నారు. కేసీఆర్ కు రానున్న అసెంబ్లీ ఎలక్షన్ లో బుద్ధి చెప్పాలని ఇక్కడ టిఆర్ఎస్ పార్టీ తరఫున అభ్యర్థిని పుట్ట మదుకర్ ను చిత్తుగా ఓడించి,శ్రీదర్ బాబుకు ఓటువేసి అధిక మెజార్టీతో గెలిపించాలని విజ్ఞప్తి చేశారు.ఈ కార్యక్రమంలో జెడ్పిటిసి అయిత కోమల,సింగిల్ విండో డైరెక్టర్ వొన్న తిరుపతి రావు,ఉప సర్పంచ్ చెంద్రయ్య,నాయకులు కేశారపు చెంద్రయ్య,బండి స్వామి,సారయ్య,సుధాకర్,ప్రభాకర్,మదు,సమ్మయ్య పాల్గొన్నారు.